Giorgio de Chirico
တစ်ယောက်နဲ့တစ်ယောက်ဥပမာ
တစ်ယောက်ကနေပူကျဲကျဲမှာ အေးမြခြင်းအကြောင်းပြော
တစ်ယောက်ကဆောင်းနှင်းသွဲ့သွဲ့မှာ နေခြည်ဖြာမှနွေးသည့်အကြောင်းပြော။
တကယ်တော့ကျွန်တော်က အတွေ့အကြုံတွေလိုချင်တာ။
လှေကားထစ်ကြမ်းကြမ်းလေးများပေါ် ပြေးတက်ချင်
သစ်ပင်မြင့်မြင့်ထိပ်ဖျားပေါ် တွယ်တက်ချင်
ရေစီးသန်တဲ့စမ်းချောင်း ဟိုဘက်ကမ်းဆီကူးခပ်ချင်
တစ်ခါတလေကျတော့လဲ
အတွေးအိပ်မက်တွေမပါဘဲ
တစ်ရေးတစ်မောလောက် နှစ်ခြိုက်စွာ အိပ်မောကျချင်။
ငိုရင် ငိုမိမှာ
ရယ်ရင်လည်း ရယ်မိမှာ။
ကိုယ့်ကိုယ်ကိုယ်ညှိရခက်သလို
တစ်ယောက်နဲ့တစ်ယောက်၊
တစ်ယောက်နဲ့တစ်ယောက်ညှိရခက်သလို
ကိုယ့်ကိုယ်ကိုယ်။
အများတွေနဲ့ ထပ်တူအတိုင်းပဲပေါ့
အစောဆုံးကြုံခဲ့ရလို့
ပြန်ပြောင်းလမ်းညွှန်ရသလိုမျိုး။ ။
နေဆူးသစ်
(အိုင်ဒီယာ ၂ဝဝ၉ ဇွန်)
.
No comments:
Post a Comment