ရာဇဝင်ပေါ်မှ မျက်ရည်စက်များ

တုန်တုန်ယင် တောင်တွေ
တိမ်ထဲဖွက်
တိတ်တိတ်ငို
ငါ့ သီချင်း ဘယ်သူဆိုတော့မယ်....

ရှိုက်သံကြား
ဆွံ့အသွား ငှက်တို့
သီချင်းအတက်ခက်
ရင်ဘတ်အဟောင်းသား တတွေ
အသံစွေ ခွေနေလိုက်ကြတာ.....

လောကကြီး လိုက်ခွေတော့
ပန်းတွေ
ပွင့်နိုင်မတဲ့လား
ပြန်မလာတော့တဲ့
ပဉ္စလက်ဂီတ
ငတို့ ဘယ်က ပြန်စရမလဲ....

စုန်ရင်းဆန်ရင်း
မျှော်ဆဲ...ဧရာဝတီ
ဒီည မင်းငိုတော့
သတို့သမီးဖြစ်မှ
ကျန်ရစ်ဖြစ်သတဲ့
တစ်လမ်းလုံး
မင်း ရှာခဲ့ပြီးပြီဘဲ
ရွှေရောင်နေ့သစ်များဆီ
သူ ထွက်သွားပြီ
သူ့ကိုယ်စား မင့်
ထားရစ်ပြီ
ဧရာဝတီ အပျိုဖျော့..
ငိုတော့..မင်း
ငိုတော့ ဧရာဝတီ....

ကျေးဇူး

icy

(14-8-2011 Htoo Ein Thin Remembrance)

(မြန်မာကျူးပစ်ဖိုရမ်မှ ကူးယူဖော်ပြပါသည်။)

၂၅ ဩဂုတ် ၁၉၈၈၊ ဆေးရုံကြီး

Credit to Myanmar Cupid Community Forums

သမိုင်းဝင် ရန်ကုန်တက္ကသိုလ် နှစ်လည်မဂ္ဂဇင်းအဖုံးများ

၁၉၈၃-၈၄ ရန်ကုန်တက္ကသိုလ် နှစ်လည်မဂ္ဂဇင်းအဖုံးပါ။ ၇ ဇူလိုင် အထိမ်းအမှတ်တွေကို ပန်းချီမှာ ဝှက်ဆွဲထားတာပါ။ ပန်းချီဆရာက "မောင်မြင့်ဌေး" ပါ။ ဘယ်နားက မှန်ထောင်ကြည့်ရင် ပုံနဲ့ ဆက်စပ်ပြီး ဘာပုံဆိုတာတွေတော့ မေ့နေပါပြီ။ အခေါင်းထမ်းနေတဲ့ပုံ၊ ဝမ်းလျားမှောက်ပြီး သေနတ်ပစ်နေပုံ၊ ချီတက်နေပုံ စတာတွေပါပါတယ်။ သေချာတာကတော့ စာအုပ်ကို ပြောင်းပြန်ထောင်ကြည့်ရင် အ-သုံးလုံးသင်နေတဲ့သူတွေက လက်သီးဆုတ် ဖြစ်သွားပါလိမ့်မယ်။

ဒါက နောက်ဖုံးပါ။ "လှမိုး" လို့ လက်မှတ်ထိုးထားပါတယ်။ အဆောင် ပြတင်းပေါက်တွေက ထောင်တံခါးတွေ ဖြစ်နေပါတယ်။ အောက်နားက မျှော်စင်အောက်နားမှာ သပိတ်တလုံး တွေ့ရပါမယ်။ စာအုပ်ကို ပြောင်းပြန်ထောင်ကြည့်ရင် ပန်းတွေက ၇ ပုံစံ ပေါ်နေပါလိမ့်မယ်။

ဒီတပုံကတော့ ၇ ဇူလိုင်တော့ မဟုတ်ပါဘူး။ ၁၉၇၅-၇၆ ရန်ကုန်တက္ကသိုလ် နှစ်လည်မဂ္ဂဇင်းအဖုံးပါ။ ဦးသန့် အရေးအခင်းအပြီး ထုတ်တာဖြစ်ပါတယ်။ သိပ်ရှားတဲ့ စာအုပ်ပါ။ သစ်ပုတ်ပင်က လက်သီးဆုတ်ပုံ ဖြစ်နေပါတယ်။ ပန်းချီဆရာက နောင်တချိန်မှာ ဂရပ်ဖစ်ဒီဇိုင်း ကျော်မင်းမောင် ဖြစ်လာမယ့် "ကျော်မင်းမောင်" ဖြစ်ပါတယ်။

Credit to Myanmar Cupid Community Forums

မြန်မာကျူးပစ်မှာ မှတ်မိသူတွေ ပြန်ပြောပြတာလေးတွေ တွေ့လို့ ထပ်တင်ပေးလိုက်ပါတယ်။

ဒါ ၇ ဇူလိုင်နဲ့ မဆိုင်ဘူးလို့တော့ ပြောလို့မရဘူးထင်တယ် . . . ဦးသန့် အရေးအခင်းအပြီးမှာ ထုတ်ခဲ့တာဖြစ်ပေမဲ့ ဖြစ်ခဲ့သမျှ အရေးအခင်းတွေ အားလုံးကို ခြုံငုံပြီး သရုပ်ဖော်ထားတယ်လို့ ထင်တယ် . . .

ပထမဆုံးကတော့ ရန်ကုန် ဝိဇ္ဇာနှင့် သိပ္ပံတက္ကသိုလ်ဆိုတဲ့ စာပဲ . . . ကုန်ဆိုတဲ့နေရာမှာ -ု နဲ့ နငယ်ရဲ့ ခြေထောက်ကို ထိစပ်ခမန်း လုပ်ထားတဲ့အတွက် ရန်ကုန် မဟုတ်ဘဲ ရန်ကျန် ဆိုသလိုမျိုးဖြစ်နေအောင် တမင်လုပ်ထားတာလို့ ဆိုတယ် . . . တချောင်းငင်တွေ နငယ်ခြေထောက်တွေကို ပုံမှန်ထက် ရှည်နေအောင် လုပ်ထားတယ် . .
သစ်ပုပ်ပင်ရဲ့ အကိုင်းအခက်တွေက ကဒေါင်းက နေတဲ့ပုံ၊ အဲ့သည် သစ်ခက်တွေကြားထဲမှာလည်း သရုပ်ဖော်ထားတဲ့ ပုံတွေ ရှိတယ်လို့ မှတ်မိနေတယ် . . . ဆွဲထားတဲ့သူက အရောင် အမှိန်အဖျော့တွေ နဲ့ သစ်ခက်လိုင်းတွေ စပ်ဟပ်လို့ ပုံဖော်ထားလို့ သေချာ စိုက်ကြည့်မှ မြင်ရမှာမို့လို့ မူရင်း အရောင်စိုစိုစာအုပ်ကို ကြည့်မှ ရေးရေး တွေ့ရလိမ့်မယ်ထင်တယ် . . . မှတ်မိသလောက်တော့ ဗိုလ်ချုပ်အောင်ဆန်း နဲ့ သခင်ကိုယ်တော်မှိုင်း ဦးခေါင်းပုံတွေ လို့ဆိုတယ် . . .

သစ်ပုပ်ပင် ပင်စည်ကြီးက လက်သီးလက်မောင်း တန်းလို့ ဟစ်ကြွေးနေပုံပေါ့ . .
လက်မှာ သွေးတွေ စီးကျနေတယ် . . . ဘွဲ့နှင်းသဘင် အဆောက်အဦးခေါင်မိုးပေါ်မှာ ဘုန်းကြီးတစ်ပါးရဲ့ ရုပ်ကလာပ်ကို ပြင်ထားတယ် . .
ဘွဲ့နှင်းသဘင်ရှေ့က ခြင်္သေ့ရုပ်က ခွေးပုံဖြစ်နေသတဲ့ . . .
နောက် အောက်ကို ဆက်ဆင်းလာရင် ပုံရဲ့ ညာဘက်ထောင့်ကို ဗဟိုထားပြီး အစိမ်းရောင် အစက်အပြောက်တွေက စက်ဝန်းတစ်ခုရဲ့ လေးပုံတစ်ပုံလောက် ရှိနေလို့ သည်လိုပုံ လေးခု ထောင့်ချင်းဆိုင် ဆက်လိုက်ရင် လွမ်းသူ့ပန်းခွေတစ်ခု ရတယ်တဲ့ . . . အဲ့သည်ထဲမှာတော့ ခုံတန်းလျား အဖြူရောင်လေးတစ်ခုဟာ ခြေထောက်တစ်ဖက်ပဲ ရှိသမို့ ၇ (၇) ဆိုတဲ့ သင်္ကေတကို ထင်ထင်ရှားရှားကြီး မြင်နေရတယ် . . .
ပုံတစ်ခုလုံးဟာ စိတ္တဇဆန်ဆန် ရေးဆွဲထားပြီး အစက်အပြောက်တွေ အရောင် အနုအရင့်တွေ သုံးထားလို့မို့ မရေရာတဲ့ ပုံရိပ်တွေ အများကြီးဖြစ်နေတော့တာ . . .
ဒါ ကျွန်တော် မှတ်မိသလောက်တွေပေါ့ . . . အများကြီးကျန်သေးတယ် . . .   

(credit to: nnnaing @ Myanmar Cupid)

ဒီမဂ္ဂဇင်းနဲ့ပတ်သက်ပြီး ကျောင်းစာသင်နှစ် (academic year) ကိုပြောချင်ပါတယ်။

၁၉၇၄-၇၅ ပညာသင်နှစ်ကို ၁၉၇၄ ခုနှစ် စက်တင်ဘာလ ၁ ရက်နေ့မှာစတင်ခဲ့တယ်။ ဒီဇင်ဘာလမှာ ကွယ်လွန်သူ ကုလသမဂ္ဂအတွင်းဝန်ချုပ်ဟောင်း ဦးသန့် ဈာပနကိစ္စကြောင့် တက္ကသိုလ်နှင့်ကောလိပ်များကို ရက်အကန့်အသတ်မရှိပိတ်လိုက်ပါတယ်။ ၁၉၇၅ ခုနှစ် မေလမှာ တက္ကသိုလ်နှင့်ကောလိပ်များကို ပြန်လည် ဖွင့်လှစ်ခဲ့ပါတယ်။ ထိုနှစ် ဇွန်လမှာ သမိုင်းအရေးအခင်းဖြစ်ပြီး တက္ကသိုလ်နှင့်ကောလိပ်များကို ရက်အကန့်အသတ်မရှိ ထပ်မံပိတ်လိုက်ပါတယ်။ အတန်းတင်စာမေးပွဲများကို ဇူလိုင် နှင့် ဩဂုတ်လများမှာ မြို့နယ်အလိုက် ကျင်းပခဲ့ပြီး ၁၉၇၄-၇၅ ပညာသင်နှစ်ဟာ ပြီးဆုံးခဲ့ပါတယ်။ ၁၉၇၅ ခုနှစ်အတွင်း တက္ကသိုလ်နှင့်ကောလိပ်များကို ပြန်လည်ဖွင့်လှစ်နိုင်ခြင်းမရှိခဲ့ပါ။ ၁၉၇၆ ခုနှစ် ဇန်နဝါရီလမှာ ၁၉၇၅-၇၆ ပညာသင်နှစ်အတွက် တက္ကသိုလ်နှင့်ကောလိပ်များကို ပြန်လည်ဖွင့်လှစ်ခဲ့ပါတယ်။ ယင်းနှစ် မတ်လမှာ သခင်ကိုယ်တော်မှိုင်း ရာပြည့်အထိမ်းအမှတ် အရေးအခင်းကြောင့် တက္ကသိုလ်နှင့်ကောလိပ်များကို ရက်အကန့်အသတ်မရှိ ထပ်မံပိတ်လိုက်ပါတယ်။ အောက်တိုဘာလ မှာမှ တက္ကသိုလ်နှင့်ကောလိပ်များ၏ အတန်းများအားလုံးကို ပြန်လည်ဖွင့်လှစ်ခဲ့ပါတယ်။ ဒီဇင်ဘာလမှာ ကျောင်း ၁ လ ပိတ်ပါတယ်။ ၁၉၇၅-၇၆ ပညာသင်နှစ်အတွက် တက္ကသိုလ်နှင့်ကောလိပ်များ၏ အတန်းတင်နောက်ဆုံးစာမေးပွဲများအားလုံးကို ၁၉၇၇ ခုနှစ် မတ်လမှာကျင်းပပြုလုပ်ခဲ့ပါတယ်။

အထက်ပါ ရန်ကုန်ဝိဇ္ဇာနှင့်သိပ္ပံတက္ကသိုလ် နှစ်လည်မဂ္ဂဇင်း ၁၉၇၅-၇၆ ကို ၁၉၇၇ ခုနှစ် ဇန်နဝါရီလ ကျောင်းပြန်အဖွင့်မှ ထုတ်ဝေခဲ့ခြင်းဖြစ်ပါတယ်။

ဘွဲ့နှင်းသဘင်အဆောက်အဦးကြီးရဲ့ အနောက်မှ အပြာရောင်ပုံများဟာ အုတ်ဂူတွေကိုရည်ညွှန်းထားတာလို့ မှတ်သားရဖူးတယ်။ ညာဖက်က ကန့်ကော်တော နေရာမှာ အစိမ်းရောင်တွေနဲ့ သစ်ပင်သစ်ရွက်ပုံတွေကို ရေးဆွဲထားပေမယ်လို့ အသေအချာကြည့်ရင် ကျောင်းသားများ၊ သံဃာတော်များပုံ၊ လဲကျနေတဲ့ပုံတွေကို မြင်နိုင်ပါတယ်။ သစ်ပုတ်ပင်ပေါ်မှာလည်း ကျောင်းသားများ၊ သံဃာတော်များပုံ ပါရှိသေးတယ်။

အဲဒီ နှစ်လည်မဂ္ဂဇင်း ကို ထုတ်ဝေချိန်မှာ လမ်းစဉ်ပါတီဗဟိုကော်မတီ နှင့် ပညာရေးဝန်ကြီးဌာန တို့မှ ချမှတ်ပေးလိုက်တဲ့ "ငြိမ်းချမ်းစွာပညာသင်ကြားရေး" မူဝါဒလမ်းစဉ်ကြောင့် မျက်နှာဖုံးကို ဆင်ဆာလွတ်ငြိမ်းခွင့် ပေးလိုက်တယ်လို့ နောင်နှစ်ပေါင်းကြာမှ ပြန်ကြားသိရပါတယ်။
(Credit to : koluchaw @ Myanmar Cupid)

အသဲပြင်ကထုံပေပေ

အသဲပြင်ကထုံပေပေ

ကျွန်တော်ငယ်ငယ်

ကစားရွယ်က

ဘာရယ်မဟုတ်

မိုးချုပ်တော့ရင်

လကိုမြင်

ကောင်းကင်မိုးဖျား

ရောက်အောင်သွားလို့

ကိုင်များကြည့်ချင်

ရွှေစင်ရည်လဲ့

ကိုင်တဲ့လက်ပေကျံ

သက်သေခံနဲ့

ပြန်ဆင်းခဲ့မယ်။

ကျွန်တော်ငယ်ငယ်

ကစားရွယ်က

ရွာ့လယ်ကွင်းစပ်

မတ်တပ်ရပ်ငေး

ဟိုး ... ဝေး ...

ဝေး ... အဝေးဆုံး

မိုးခုံးနားနဲ့

မြေသားထိစပ်

ကျောကပ်ရင်မှီ

ရွာဆီပြန်မှန်း

လွမ်းကြည့်စမ်းချင်။

ဆိုသဖြင့်လောက်

အမြင့်တဖျား

မဆိုထားနဲ့

ရှည်လျားဝေးရာ

မဆိုလာနဲ့

ခုခါငယ်က

ထိုဆန္ဒတွေ

လှပမှန်းမှ မသိတော့။

မောင်အောင်ပွင့်
(စံပယ်ဖြူ၊ ၈၅ ဇန်နဝါရီ)

(ကျွန်တော် ငယ်ငယ်က လက်ရေးနဲ့ ကူးထားခဲ့တဲ့ ကဗျာလေးပါ။ ခုနေပြန်ဖတ်တော့ ...
ခုခါငယ်က
ထိုဆန္ဒတွေ
လှပမှန်းမှ မသိတော့ ... ဆိုတဲ့ အပိုဒ်က ပဲ့တင်ထပ်နေပါတယ်။)

ဦးအောင်ကြီး၏ အိပ်ဖွင့်ပေးစာများ (၂)

မြန်မာ့မျှားနတ်မောင်ဖိုရမ် (http://mmcpcommunity.net)

မှ ကူးယူဖော်ပြပါသည်။

.......................................................

စာနံပါတ် (၄)

ရန်ကုန်

၂၂.၆.၈၈

ဗိုလ်ချုပ်


မနေ့က မလိုလားအပ်ပဲ မဖြစ်သင့်တာတွေ ထပ်ဖြစ်ပြန်ပါပြီ။ အဆိုးဆုံးကတော့ စင်္ကာပူသံရုံးကို လုံထိန်းတွေက ဝိုင်းထားပြီး အထဲဝင်ပြေးတဲ့ ခိုလှုံတဲ့ ကလေးတွေကို ဝင်းတံခါး ပိတ်ထားတာ ခဲတွေနဲ့ပေါက်ပြီး ဝင်းတံခါး ဖွင့်ခိုင်းတာ၊ သံရုံးတခုလုံး မှန်တွေကွဲ၊ တံခါးတွေ ပြတင်းတွေ ပျက်ဆီးသည်ထိ ဖြစ်ပွားသွားတာ အရုပ်အဆိုးဆုံးပါ ဒီသံရုံးဟာ သခင်တင် အိမ်နဲ့ ကပ်လျက်ပါ။


နောက်တခု အရုပ်ဆိုးတာက ကလေးတွေကို ကားနဲ့တိုက်သတ် အလောင်း၊ ဒဏ်ရာရသူ ကလေးတွေကို ကားပေါ်ဆွဲတင်၊ အဲဒီကလေးတွေဟာ ကျောင်းစိမ်း လုံချည်ကလေးတွေနဲ့၊ှအ င်္ူသမာနငညသမ က ကလေးများ၊ ကြံတောဘက်က အထက်တန်းကျောင်း (စာပေဗိမာန်နောက် ကပ်လျက်) က ကလေးတွေ ဖြစ်ပါတယ်။ အဲဒီ ကျောင်းသားတွေဟာ ၁၀/၁၁ နှစ် ပတ်ဝန်းကျင် ကလေးတွေ ဖြစ်ပါတယ်။ မိန်းကလေး ၂ ယောက် ရှေ့ဆုံးကပါပြီး တယောက်သေတယ် ထင်ပါတယ်။ ကားနဲ့တိုက်တဲ့ ကားဟာ နံပါတ်တော့ မမှတ်မိပါ လုံထိန်းကား ဖြစ်ပါတယ်။ မီးပွိုင့်နားမှာ ဖြစ်ပါတယ်။


မိန်းကလေးတယောက် (အလံကိုင်) ကို စမ်းချောင်း လမ်းဆုံ မီးပွိုင့်နားက ဂါတ်တဲထဲ ဆွဲခေါ် သွားတာကို ကျောင်းသားတွေ လိုက်အတင်းလုတာကို ဂါတ်တဲ မီးရှို့တယ် ကြေငြာတာ ဖြစ်ပါတယ်။


မီးရှို့ခံရတယ် ကြေငြာတဲ့ ရုပ်ရှင်ရုံဟာ အကောင်းပါ ဘာမှ မဖြစ်ပါဘူး၊ ကြိုက်တဲ့သူ လွှတ်ကြည့်ပါ၊ အစိုးရတန်းလျားတခု မီးရှို့တယ် ဆိုတာလဲ လိမ်တာ ဖြစ်ပါတယ်။ အဲဒီအနားက အိမ်တအိမ်ထဲ ကျောင်းသားတွေ ပြေးဝင်ပုန်းလို့ လုံထိန်းတွေ လိုက်တာ နောက်ဘေးပေါက်က လစ်ကြပါတယ်။ အဲဒီအိမ်မှာ မိန်းမကြီး နှစ်ယောက်လောက်ဘဲ ရှိပါတယ်။ အဲဒီအိမ်မှာ ကလေးတွေ မမိလို့ အဲဒီအိမ်ကို ဖျက်ဆီးရိုက်ချိုး လုပ်ခံရတာကို လုံထိန်းတွေ အပြန်မှာ မိန်းမကြီးတွေက စုပြီး မီးရှို့ပြစ်တာပါ။ လူတရပ်စာလောက် မီးတောက်တောင် မရှိပါဘူး။ အသံလွှင့်တာ အညာကြီး လိမ်ပြီး တိုင်းပြည်ကို ကြေငြာတာပါ။


အဲဒါ နောက်ဆုံး အရပ်က မခံနိုင်လို့ လုံထိန်းတွေ ဝင်ရိုက်ကြတာပါ။ မီးပွိုင့်နားက မြေနီကုန်း ဈေးကလေး၊ ကြက်တန်း၊ စမ်းချောင်းနဲ့ လာကြည့်တဲ့ အရပ်သားတွေ ဝိုင်းရိုက်လို့ လုံထိန်း ၁၀ ယောက်လောက် သေပါတယ်။ ဗိုလ်ရဲထွဋ် ဆိုင်ရှေ့မှာ အလောင်း ၂ လောင်း၊ မီးပွိုင့်မှာ ရုပ်ရှင်ရုံရှေ့မှာ ၂ လောင်း ၃ လောင်း တော်တော်နဲ့ အလောင်းမကောက်နိုင်ပါဘူး။ ဒဏ်ရာ (အလောင်းများချည်း ဖြစ်ဟန်တူ) နဲ့ လုံထိန်းကား ဆေးရုံကြီးရှေ့ သယ်ယူလာရာ ဃြ ၁ ရှေ့လောက်မှာ လူအုပ်ကြီးက မီးရှို့လိုက်ကြပါတယ်။


သေနတ်ပစ်သံ ကြားပါတယ်။ အုတ်ခဲကျိုးတွေ ဘာတွေက သခင်တင်အိမ် ဓားလွယ်ခုတ်မှာ တိုက်ဆောက်ဆဲ တခုက အုတ်ခဲကျိုးတွေပါ။


ကျွန်တော် နားမလည်တာက March 14 မှာသာ RIT ရယ် RASU ရယ် MC I ရယ် II ရယ် ပိတ်လိုက်ရင် အားလုံး ဒီကိစ္စတွေ တခုမှ ဖြစ်စရာ မလိုပါ။ ယခု ပိတ်တာက RIT ရယ် စီးပွားရေးတက္ကသိုလ် ၂ ခုကို ပိတ်ပြီး MC I ကို ဖွင့်ပေးထားတာဟာ ကျောင်းသားတွေက သူတို့ကို တမင် ထောင်ဖမ်းချင်လို့ ဆိုပြီး နားလည်ပြီး MC I ကို သပိတ်တားသွားတဲ့၊ အင်အားပြတဲ့ သဘောပါ။


တခါ ယခု အင်းစိန် RIT ကို မပိတ်ဘဲ တမင်ထားတာဟာ ကျောင်းသားတွေက သူတို့ကို တမင် ထောင်တာ၊ သတ်ချင်လို့ လုပ်တာမို့ သွားကို သွားမယ် သတ်ပါစေလို့ ဆိုပါတယ်။


ဒီတခါ တရားဟောရာမှာ ဒါတွေကို ဗိုလ်ချုပ်ကြီး မသိဘူး ဗိုလ်ချုပ်ကြီး မပါဘူးလို့ ဟောကြပါတယ်၊ ဟောတာက ဗိုလ်ရဲထွဋ် (ကြက်တန်း ) နားက လမ်းဒေါင့်မှာ ကုလားထိုင်လေးလား ခုံကလေးလား မသိ၊ ဆိုက်ကားနဲ့ ယူလာပြီး တက်ဟောတာ သေနတ်နဲ့ လှမ်းပစ်တာခံရပြီး ဒဏ်ရာတွေနဲ့ တွဲခေါ်ပြီး ဆိုက်ကားနဲ့ လစ်ပါတယ်။


ဗိုလ်ချုပ် မြန်မာပြည်မှာ အလုပ်လက်မဲ့သူ အင်ဂျင်နီယာ တစ်သောင်းကျော် နှစ်သောင်း ရှိပါတယ်။ ဘာကြောင့် ကျောင်းမပိတ်ပဲ ထောင်ဖမ်းတာမျိုး ဖြစ်အောင် လုပ်ကြတာလဲ။


အခု အရေးကြီးတာက ဆန်ဆန်ဆန် ဖြစ်ပါတယ်။ အာရုံလွှဲချင်လို့ ကျောင်းသား ကိစ္စပေါ်အောင် လုပ်တာလားလို့ သံသယ ဖြစ်မိတယ်။ အခုမှ ဝန်ကြီးချုပ်က သိန်း ၂၀ ဘိုး ဆန် မဖြစ်ဖြစ်အောင်ဝယ် အလုပ်သမားတွေ ဆူမှာစိုးလို့တဲ့ ရန်ကုန်က ဆင်းရဲသားတွေ ဆန်ဈေးကြီးအားကြီးလို့ (တပြည် ၁၀ိ/ ၁၁ိ ပတ်ဝန်းကျင် ရောက်တော့မှာမို့ ဝယ်ဟန်တူပါတယ်။ ဆင့်ပါးစပ် နှမ်းပက်သလောက် ရှိမှာပါ။)


ရှေ့တန်းက တပ်တွေနဲ့ အိမ်ထောင်စုတွေမှာ ဆန်ပြဿနာ ပေါ်ပြီ၊ ပေါ် စပြုပြီလို့ စပြီး ကြားရပါတယ်။ ခင်မောင်ကြီးနှင့် မင်္ဂလာဆောင်တခုမှာ တွေ့တော့ သတိပေးတော့ သူတို့ စီစဉ်ထားတယ်လို့ ဆိုပါတယ်။ စာနဲ့ အမိန့်ပေးတာလောက်ပါ။ ဝတ္တရားကျေပြီ ထင်နေပုံ ပေါ်တယ်။ ရှေ့တန်း တကယ် လောက်မလောက် ဗိုလ်ချုပ် ကျိုင်းတုံဘက်၊ မိုင်းတုန် မိုင်းဆတ်ဘက် လွှတ်ကြည့်ပါ။ တော်တော်ကြာ တပ်တွေက မတိုက်တော့ဘူး ဆိုပြီး နောက်ပြန်ဆုတ်လာတာထိ ဖြစ်နိုင်တယ်. "အထူးဂရုစိုက်ပါအုန်း"
 
ဗိုလ်ချုပ်


၁၃၀၁ ခုနှစ်တုန်းက မန္တလေး အာဇာနည် (၁၇) ဦး သေတာ သေနတ်ပစ်ခံရတာ တကြိမ်တည်း မဟုတ်ပါ၊ (၃) ကြိမ်ပါ၊ ပထမ တကြိမ်က သံဃာတော် ၅ ပါး ပွဲခြင်းပြီး ကျဆုံးပါတယ်။ ၄ ပါး ဒဏ်ရာရပါတယ်။ အလံကိုင် အဖွဲ့ပါ။ ဒုတိယအကြိမ် ပစ်တော့ ကျောင်းသား အဖွဲ့ပါ။ အလံကိုင်တာက ဗိုလ်မှူးကြီး ဘရွှေပါ သံဃာတော် ၁ ပါးနဲ့ ကျောင်းသား ၄ ယောက် ကျပါတယ်။ ကျောင်းသား ၆ ယောက် ဒဏ်ရာရပါတယ်။ အဲဒီထဲမှာ မောင်သန်း (ကိုဇော်ဝင်း၊ မလှရွှေခင်ပွန်း ) ပါပါတယ်။ တတိယအကြိမ် ပစ်ပါတယ်။ ကျောင်းသား အရပ်သား ၆ ယောက် ကျဆုံးပါတယ်။ ၄ ယောက် ဒဏ်ရာရပါတယ်။


အဲဒီ အချိန်က မန္တလေး ကော်မရှင်နာက R.S Wilicy (I.C.S) ဝိလ်ကီ အိုင်စီအက်စ် ဖြစ်ပါတယ်။ အရေးပိုင်က H.W Latt ဖြစ်ပါတယ်။ D.S.P ရာဇဝတ်ဝန်ကြီးက H.C Raymes ဖြစ်ပါတယ်။ အဲဒီ ကိစ္စမှာ ကော်မရှင်နာ ဝိလ်ကီဟာ လုံးလုံး မပါဝင်ပါ အရေးပိုင် အနေနှင့် တာဝန်ယူရမည့် ကိစ္စ သက်သက်မို့ပါ။ အရေးပိုင် အနေနှင့် DM ခရိုင်တရားသူကြီး အဖြစ် အရပ် (ပုလိပ်) နှင့် မနိုင်တော့မှ စစ်တပ် လဲတာပါ။ မပစ်မှီ အရေးပိုင်က ရပ်ကြဖို့ ပုလိပ် အရာရှိ တယောက်ကို လျှောက်ဆိုခိုင်းပါတယ်။ မရတော့ သံဆူးခွေတွေ ချပြီးတာပါတယ်။ ပုလိပ် (၃၀) လမ်းပိတ်ထားတာ ရုပ်သိမ်းပါတယ်။ ကချင်စစ်သား (၈ ) ယောက်ကို ဝှက်ထားရာမှ မေဂျာက ခေါ် ထုတ်ပြီး ၄ ဦး ရပ်လျက် ၄ ဦး ဒူးထောက် သေနတ် တတောင့်စီ ၃၀၃ ရိုင်ဖယ်တွေမှာ ထိုးခိုင်းပြီး ၅ မိနစ် တကြိမ် ၅ မိနစ် တကြိမ် ၃ ကြိမ် သတိပေးပြီးမှ ပစ်ခိုင်းတာပါ။


၁၉၆၂ ခုနှစ် ကျောင်းသားများ ကိစ္စမှာ အသံလွှင့်ရုံမှာ ဗိုလ်ကျော်စိုး (ပြည်ထဲရေး ဝန်ကြီး ) ဥက္ကဌ၊ ဗိုလ်မှူးကြီး မောင်ကျော် (ရန်ကုန် လ.အ.က ဥက္ကဌ)၊ ဗိုလ်မှူးကြီး သန်းစိန်၊ ဗိုလ်မှူးကြီး လှဟန် (ပညာရေး )၊ ရဲချုပ် ဦးဘအေး၊ ပြန်ကြားရေး ဝန်ကြီး ဗိုလ်မှူးကြီး စောမြင့် Crisis Committee ဆိုပြီး HQ ဖွဲ့ထားတာပါ။ ဘာမှ သူတို့ ဗိုလ်ချုပ်ကြီးထံ အမိန့်တောင်းစရာ မလိုပါ။ သူတို့ ဆုံးဖြတ်ရမှာပါ။ မန္တလေးတုန်းက HQ အဆင့် အနေနဲ့ တာဝန်ယူရတဲ့ သာဓက ကျွန်တော်ဘဲ Aid to Civil Power (OSS) သင်တုန်းက အတန်တန် သင်ပြီးသားပါ။ အိမ်စောင့် အစိုးရ လက်ထက် ဗိုလ်ကျော်စိုး ကိုယ်တိုင် စပါယ်ရှယ် သင်တန်းပေးရပါတယ်။ သက်သက် ဗိုလ်ချုပ် တန်ဆာခံရတာ ဖြစ်ပါတယ်။


နောက် သမဂ္ဂထဲ ကျောင်းသားတွေ ဆွဲသွင်းတယ်။ အပေါ်မှာ လက်နက်တွေနဲ့ ဘာတွေနဲ့ ဆိုတာ သတင်းမှားပါ၊ ဘာလက်နက်မှ ရှိတာ မဟုတ်ပါ။ ဒါကြောင့် ကျောင်းသားတွေက ဘာတချက်မှ ပြန်ပစ်တာ မကြားရတာ။


ဗိုလ်ချုပ်ကို အလကား ကြောက်ချီးပါပြီး သတင်းလိမ်ပို့တာပါ။
 
ဗိုလ်ချုပ်


လှမြင့်ကြီး လွှတ်လိုက်တော့ ဟိုရောက်တော့ သမဂ္ဂထဲမှာ ကျောင်းသားတွေ မရှိတော့ဘူး ပြေးကုန်ကြပါပြီ၊ အဲဒီမှာ မွှေးကြီးက ROC နဲ့ ပစ်ရရင် နောက်က ဆရာကာအိမ်နဲ့ တခြားအိမ်တွေပါ ပြိုမယ်ဆိုလို့ ဘာလုပ်ရမှန်း မသိဖြစ်နေတုန်း အရာရှိငယ်တဦးက ဒိုင်းနမိုက်နဲ့ ခွဲပါလား ဆိုလို့ ဒိုင်းနမိုက်နဲ့ ခွဲဖို့ ဆုံးဖြတ်တာ ဖြစ်ပါတယ်။


ဗိုလ်ချုပ် "ပစ်ဖြိုလိုက်" ဆိုတုန်းက အခြေအနေက အလွန်ဆိုးချိန် (သတင်းကြီးပေးပုံက သူပုန်တွေက ပစ်မလို့ နေရာယူထားတာမျို မို့ ဗိုလ်ချုပ်က စိတ်လိုက်မာန်ပါ အမိန့်ပေးခဲ့တာပါ။ ကျောင်းသား အခြေအနေဟာ ၆း၃၀ နာရီလောက်မှာ ပြီးသွားပါပြီ။ ဒဏ်ရာရသူ သေသူတွေ ဆေးရုံပို့၊ ကျန်တဲ့ ကျောင်းသားတွေ လစ်ပြီး၊ ရန်သူ ကျောင်းသား ရှင်းလင်းပြီးသွားချိန်မှာ ဒိုင်းနမိုက်ခွဲဖို့ ဆုံးဖြတ်လိုက်ကြတာပါ။ (သမဂ္ဂထဲ တပ်သားတွေ ဝင်သိမ်းပြီးတာတောင် ကြာပါပြီ) သမဂ္ဂကို ဖျက်စရာ မလိုတော့ပါ။ ဒါကို လိုအပ်သေးသလားတောင် မဆုံးဖြတ်တတ်ပဲ ဟိုပုံချ သည်ပုံချ နောက်ဆုံး ဗိုလ်ချုပ်လိုလို ဖြစ်ရတာပါ။


ဒီတခါတော့ သံရုံးအားလုံးက TV လိုက်ရိုက်ကြတာ တရုံးရုံးပါ။ စင်္ကာပူသံရုံး အဖျက်ခံရတာ ပါမှာပါ။ သူတို့က ကန့်ကွက်လွှာ ဒီနေ့ မနက် နိုင်ငံခြားရေးရုံးကို ပို့မှာ ဖြစ်ပါတယ်။ ဒါကို ဆူပူသောင်းကျန်းသူတွေကလို့ ကြေငြာရင် မဟာအရှက်တော် ကွဲရမှာပါ။


ဒီ ကိစ္စဟာ UN နဲ့ ဂျနီဗာမှာ ရှိတဲ့ Human Right Organisation ကို သံရုံးတွေက ပို့တော့မှာ သေချာပါတယ်။ ကျောင်းသားတွေကတော့ ဒီတခါ ဗိုလ်ချုပ် မပါပါဘူးတဲ့။


အဲဒါ RIT မှာ နောက်ထပ် စစ်ပုံ မပေါ်အောင် အမြန်လုပ်ပါ။ ဗိုလ်ချုပ် လက်မလျှိုပါနဲ့လို့ တောင်းပန်ပါတယ် ခဗျား။


သေသူတွေဟာ ၁၁-၁၂ နှစ် ကလေးတွေချည်း ဖြစ်ပါလိမ့်မယ်။


လေးစားစွာဖြင့်


(အောင်ကြီး )
၂၂.၆.၈၈
စမ်းချောင်း

ဦးအောင်ကြီး၏ အိပ်ဖွင့်ပေးစာများ (၁)

မြန်မာ့မျှားနတ်မောင်ဖိုရမ် (http://mmcpcommunity.net) 
မှ ကူးယူဖော်ပြပါသည်။

၁၉၈၈ မတ်လ အာအိုင်တီ အရေးအခင်းနဲ့ ရှစ်လေးလုံး အကြားမှာ ဗိုလ်မှူးချုပ်ဟောင်း ဦးအောင်ကြီးရဲ့ ဦးနေဝင်းသို့ အိပ်ဖွင့်ပေးစာတွေ ပြည်သူလူထုကြားမှာ ပြန့်နှံ့ခဲ့ပါတယ်။ ကျွန်တော့်ဆီမှာ ၁၉၈၈ မေ ၉၊ မေ ၁၂၊ ဂျွန် ၁၈ နဲ့ ဂျွန် ၂၂ ရက်စွဲတွေနဲ့ စာလေးစောင်ရှိပါတယ်။ ပထမ ၂ စောင်က မဆလ ပါတီရဲ့ အမှားအယွင်းတွေကို ရေးပြရင်း၊ တော်လှန်ရေးကောင်စီခေတ်ကို ကာကွယ်၊ ကျောင်းသား သမဂ္ဂဖြိုတဲ့ ကိစ္စမှာ သူမပါဝင်ကြောင်း ရှင်းပြတာတွေပါ။ နောက် ၂ စောင်မှာတော့ ၈၈ မှာ ဖြစ်ခဲ့တဲ့ ကျောင်းသား အရေးအခင်းတွေ အကြောင်း ရေးပြထားပါတယ်။

အဲဒီနောက် ၂ စောင်မှာ အထိ ၈၈ မတ် နဲ့ ဂျွန်မှာ ဖြစ်ခဲ့တာတွေကို ဦးနေဝင်းကို အောက်လူတွေက ဖုံးထားလို့ သူက အမှန်ကို အသိပေးရတဲ့ သဘောမျိုး ရေးထားခဲ့ပါတယ်။ ဒါပေမဲ့ သူ့စာတွေကြောင့် အဲဒီအချိန်က အစိုးရ မီဒီယာတွေက ဖုံးထားတဲ့ အချက်အလက်တွေ ပြည်သူလူထုကြားမှာ ပြန့်နှံ့သွားစေပါတယ်။ သူ့ စာတွေ ဘယ်လောက် မှန်တယ်၊ မှားတယ် ဆိုတာထက် သမိုင်းကို ပြန်ကြည့်တဲ့အခါ နှိုင်းယှဉ်ကြည့်စရာ အချက်အလက် တချို့ရစေဖို့ ရည်ရွယ်ပြီး ကျွန်တော် ရိုက်တင်ပေးပါ့မယ်။ အွန်လိုင်းမှာလည်း မရှိသေးဘူးလို့ ထင်ပါတယ်။ စာရိုက်တာ အချိန်ကြာနေရင်တော့ သည်းခံပေးကြပါ။


လူ ပိုစိတ်ဝင်စားမယ့် နောက်စာ ၂ စောင်ကို အရင်တင်ပေးပါ့မယ်။

...................................................................................

စာနံပါတ် (၃)

ရန်ကုန်မြို့

၈.၆.၈၈

ဗိုလ်ချုပ်ခဗျား


ဗိုလ်ချုပ်လည်း အသက်ကြီးပါပြီ။ ကျွန်တော်တောင်မှ အသက် (၇၀) ရှိပြီပဲ။ ဗိုလ်ချုပ်အနေနဲ့ ကောင်းမယ်ထင်လို့ လုပ်ခဲ့တာပဲဟာ၊ ကောင်းတာတွေလည်း ရှိမှာပဲ။ မကောင်းတာတွေ မှားတာတွေလည်း ရှိမှာပဲ။ ဒါဟာ နိုင်ငံတော်ကို ဦးဆောင်ကြတဲ့သူတွေ အဖို့ တွေ့ကြုံရတာ ဓမ္မတာပါပဲ။


ဒါပေမယ့် ကျွန်တော် တခုတော့ ပြောချင်ပါတယ်။ ဗိုလ်ချုပ် ဖြစ်ချင်တာတွေ ဖြစ်မလာတာတို့၊ တိုင်းပြည် ဆင်းရဲသွားတာတို့၊ စီမံကိန်းတွေ မအောင်မြင်ဘဲ အောင်မြင်တယ်ဆိုပြီး စာရင်းလိမ် အပြခံရတာတို့၊ အမှန်ကို မပြောကြဘဲ ဗိုလ်ချုပ်ကြီး စိတ်မချမ်းသာ စရာတွေ မကြားရအောင် ဖုံးဖိထားကြတာ၊ နောက်ဆုံး မိမိတို့ ဘာသာ မိမိတို့ ကျူးလွန်တာတွေ၊ မှားတာတွေကိုတောင် ဗိုလ်ချုပ်ကြီး ခိုင်းလို့ လုပ်တာပါချည်း ဖြစ်ကုန်တာတွေ အပြင်မှာ ဖြစ်နေတယ်လေ။


အရင် ကျောင်းသား သမဂ္ဂဖြိုတဲ့ ကိစ္စတောင် ယခုထိ တိုင်းပြည်က မသိကြသေးဘူး မဟုတ်လား။ သမဂ္စ္ဂကို ကျွန်တော် ဖြိုတယ်လိုလို ဗိုလ်ချုပ်ကိုပြောတဲ့ အတွက် ဗိုလ်ချုပ်က ကျွန်တော် ဖြိုတယ်လို့ စွတ်စွဲ၊ ကျွန်တော်က ကျွန်တော် မဟုတ်ရပါလို့ ၁၉၇၇ ခုနှစ်မှာ စာတမ်းဝေပြီး ဖြေရှင်းတော့ တာဝန်ဟာ ဗိုလ်ချုပ်အပေါ် ပြန်ကျပြီး ဗိုလ်ချုပ်ပဲလို့ နားလည်သွားကြ ပြန်ပါတယ်။ အဲဒါကြောင့် ဗိုလ်ချုပ်ဟာ သမဂ္ဂဆိုတဲ့ လွတ်လပ်ရေး သမိုင်းဝင် အဓိက အဆောက်အဦးကြီးကို ဖြိုတဲ့လူ အဖြစ် ရာဇဝင် အမဲကွက်ကြီးနဲ့ စခန်းသိမ်းမလို ဖြစ်ခဲ့ရပါတယ်။


အခု ကျွန်တော် (၄၁) မျက်နှာ စာတမ်း ထွက်လာကာမှ လူတွေဟာ "ဟာ" ကနဲဖြစ်ပြီး ဒိုင်းနမိုက် ခွဲခိုင်းတာ ဗိုလ်ချုပ် မဟုတ်ကြောင်း အကြောင်းစုံ သိသွားကြတာပါ။ တကယ် ဟိုလွန်ခဲ့တဲ့ (၂၆) နှစ် ကတည်းက မွှေးကြီး (ဗိုလ်လှမြင့်)၊ ဗိုလ်မှူးဝင်း၊ ဗိုလ်ထွန်းရီ (Burma Engr) တို့ကို မေးရင် အားလုံး အမှန်ပေါ်မှာပါ။ မြန်မာပြည် ဗုဒ္ဓဘာသာ ဘယ်လောက် ထွန်းကားတယ်ဆိုတာ ရွှေတိဂုံ စေတီတော်ကြီးကို သက်သေထူရသလို၊ မြန်မာပြည် လွတ်လပ်ရေးသမိုင်း ရေးသား ဖော်ပြရရင် "ရန်ကုန်တက္ကသိုလ် ကျောင်းသားများသမဂ္ဂ" အဆောက်အဦးကြီးဟာ ရွှေတိဂုံ စေတီတော်အလား အထင်အရှား ကျောက်တိုင်ကြီးအဖြစ် ပြရမယ့် အဆောက်အဦးကြီး ဖြစ်ပါတယ်။


ဗိုလ်ချုပ်ခဗျား


အဲဒီ ကျောင်းသားသမဂ္ဂ အဆောက်အဦးဖြိုတဲ့ ကိစ္စဟာ ကျွန်တော်တို့ မြန်မာပြည်သူပြည်သားများ အတွက်သာ သိကြနားလည်ကြတဲ့ ကိစ္စတရပ်သာ ဖြစ်ပါတယ်၊ မြန်မာတွေနဲ့သာ ဆိုင်ပါတယ်။ ကမ္ဘာတခုလုံးက "ရန်ကုန်တက္ကသိုလ် ကျောင်းသားများ သမဂ္ဂ" ကို သိလည်းမသိ စိတ်လည်း မဝင်စား၊ ကြားလည်း ကြားဖူးကြမည် မထင်ပါ။


ယခု ၁၉၈၈ ခုနှစ်၊ မတ်လ အရေးအခင်း၊ March Affair လို့ နိုင်ငံခြား သံတမန်ရပ်ကွက်က ခေါ်တဲ့ ကျောင်းသားများ အရေးအခင်း ကိစ္စမှာတော့ ဗိုလ်ချုပ် ခေါင်းဝင်ပြီး မခံစေချင်ဘူး။ ဒီကိစ္စမှာ ဗိုလ်ချုပ် တကယ်မပါဘူးလို့ ကျွန်တော်တို့ အားလုံး သိကြပါတယ်။ ဒါပေမယ့် နိုင်ငံခြား သတင်းစာ အားလုံးက ဗိုလ်ချုပ်ကိုပဲ ခေါင်းတပ် ရေးကြပါတယ်။


ယခင် ၁၉၆၂ ခုနှစ် ကျောင်းသားများ အရေးအခင်းဟာ သာမန် ကျောင်းသားများ အရေးအခင်းမျှသာ ဖြစ်ပါတယ်။ ယခု အရေးအခင်းဟာ သာမန် ကျောင်းသားများ အရေးအခင်း၊ ကျောင်းသား ဆူပူတာတွေ နှိမ်နင်းတဲ့ ကိစ္စ မဟုတ်ပါဘူး။ ကမ္ဘာမှာ ကျောင်းသား ဆူပူတာတွေ နှိမ်နင်းတာတွေဟာ ထမင်းစားရေသောက် ကိစ္စပါ။ တိုင်းပြည်တိုင်းလိုလိုမှာ ဖြစ်နေတာမို့ ရိုးနေတဲ့ ကိစ္စ ဖြစ်ပါတယ်။ ယခု ကိစ္စကတော့ Human Right ကိစ္စ ဖြစ်နေပါတယ်။ Human Right ကိစ္စကို ရုရှားနဲ့ အမေရိကန် ထိပ်သီး ဆွေးနွေးပွဲမှာတောင် ရေးကြီးခွင်ကျယ် ဆွေးနွေးကြရတဲ့ ကိစ္စဖြစ်ကြောင်း ဗိုလ်ချုပ်ကြီး အသိဆုံး ဖြစ်ပါတယ်။ တောင်အာဖရိက အစိုးရကို ကုလသမဂ္ဂမှာ Human Right  ကိစ္စနဲ့ ပါတ်သက်ပြီး တကမ္ဘာလုံးက အစိုးရတွေက သပိတ်မှောက်ဖို့ ဆုံးဖြတ်ကြတယ် မဟုတ်လား။ ယခု ကျွန်တော်တို့ တိုင်းပြည်မှာ ဖြစ်သွားတဲ့ မတ်လ ကျောင်းသားကိစ္စဟာ သာမန် RIT ကျောင်းသား ကိစ္စလေးကို ကမ္ဘာသိ ကမ္ဘာကျော် Human Right ကိစ္စ ဖြစ်သွားအောင် လုပ်နေမိတယ်ဆိုတာ ဗိုလ်ချုပ်ရဲ့ "မြန်မာ့ ဆိုရှယ်လစ်လမ်းစဉ်ပါတီ ဌာနချုပ်" သိပုံမပေါ်။ "နိုင်ငံတော် ကောင်စီ" ကလည်း ယခုထိ ရိပ်မိပုံ မပေါ်ပါ။ "အထွေထွေတွဲဖက်ကြီး" ဦးစီးသည့် ကိစ္စမို့၊ ကိစ္စမရှိဟု ထင်နေကြပါတယ်။ ပြောလည်း မပြောဝံ့ကြပါ။ Human Right ဖြစ်နေပြီဆိုတာ သိတဲ့ နားလည်တဲ့ ကောင်စီဝင်တွေကလည်း နှုတ်ပိတ်နေကြသည်ကို ကျွန်တော် နားမလည်နိုင် ဖြစ်ရပါတယ်။


"တွဲဖက်ကြီး" အနေနှင့် ကာကွယ်ရေး ဝန်ကြီးကို မပြောဘဲ ဦးစီးချုပ်ကို တိုက်ရိုက် အမိန့်ပေးပြီး တပ်မ ၂၂ ကိုဘားအံမှ ဆွဲချလာသည်ဟု သိရ၍ အံ့ဩမိပါသည်။


ဗိုလ်ချုပ်ခဗျား


ဒီကိစ္စဟာ မကြာသော ကာလမှာ မြန်မာပြည်ကို "နာမည်အဆိုးဆုံး ပုဒ်မ" ဖြင့် ကမ္ဘာ့နိုင်ငံ အသီးသီးက၊ ကမ္ဘာ့ သတင်းစာ အသီးသီးက ရှုံ့ချ ခံရတော့မယ့် ကိစ္စမို့ ဗိုလ်ချုပ် ဦးခေါင်း မရှိုရန် တောင်းပန် ပါရစေခဗျာ။ ဗိုလ်ချုပ် သားစဉ်မြေးဆက်တွေ အထိ ခေါင်းမဖော်ရဲအောင် ဖြစ်ရမယ့် ကိစ္စ ဖြစ်ပါတယ်။ ဒါကြောင့် ဗိုလ်ချုပ် ဝင်မပါပါနဲ့။ သူ့ထိုက်နဲ့ သူ့ကံ ရှိပါစေလို့ လေးလေးနက်နက် တောင်းပန်တာပါ။ သေသည့်တိုင် မြန်မာ့သမိုင်းမှာ ထာဝစဉ် "မှတ်တမ်းမဲ" ကြီး တင်ကျန်ရစ်တော့မှာမို့ ယခုလို သတိပေးရတာပါ။


RIT ကိစ္စဟာ ရိုးရိုးကိစ္စလေးပါ။ ပထမဆုံး အဖမ်းခံရပြီး အင်းစိန်ထောင်မှာ (၃) ည အိပ်ပြီး လွှတ်လိုက်တဲ့ အထဲက RIT ကျောင်းသားတယောက်ဟာ ပေါင်းတည်ကပါ။ ကျောင်းသားတွေ ဆူတော့ သူတို့လည်း အဆောင်မှာ နေကြတာမို့ ပါသွားပါတယ်။ ခဲနဲ့ ပစ်တဲ့အထဲမှာလည်း သူတို့ ပါပါတယ်။ အဲဒါ ပတ်ဝန်းကျင်မှာ ခဲတွေ မရှိလို့ မနဲရှာပြီး ပေါက်ရတယ်လို့ ဆိုပါတယ်။ နောက်တော့မှ အပြင်ဘက်က ပြစ်တဲ့ ခဲတွေကောက်ပေါက်ရတယ်လို့ ဆိုပါတယ်။ ပထမဆုံး သေနတ်သံဟာ မိုးပေါ်ထောင်ပစ်တဲ့ အသံပါ။ အဲဒီလိုပဲ သူတို့နားလည် ပါတယ်တဲ့။ နောက်တော့ သေနတ်သံနဲ့ ပစ်တယ်ဟေ့ ပြေးကြ ပြေးကြ ဆိုတော့ သူက နောက်ဆုံးအတန်းလောက်မှာ ရှိတာမို့ ပြေးတော့ ရှေ့ဆုံးက ဖြစ်ပြီး အဆောင်ထဲ ပြန်ငြိမ်နေတယ်လို့ ဆိုပါတယ်။ သေနတ်နဲ့ နောက်ကနေ ပစ်တာမို့ သေနတ်ဒဏ်ရာဟာ နောက်ကျောကနေဝင်ပြီး ရှေ့ထွက်သွားတာပါတဲ့။ သူတို့ ပြန်လှည့်ကြည့်တော့ လေးငါးခြောက်ယောက်လောက် လဲကျန်ရစ်တယ်။ ဒဏ်ရာရတာ နှစ်ယောက်ဆိုတာ မဟုတ်ဘူးတဲ့။ နောက်ပြန်မြင်ပြီး စဉ်းစားပြောတာက (၇) ယောက်ပါတဲ့။ အင်းစိန်မှာ သူတို့ (၃) ရက်ပဲ နေခဲ့ရပြီး စစ်ဆေးပြီး ပြန်လွှတ်လိုက်တယ်တဲ့။ (၁၃) ရက်နေ့ ညနေဖက်မှာ ဖြစ်တယ်။ (၁၄) ရက်နေ့ အဆောင်မှာပဲ ငြိမ်နေ၊ (၁၅) ရက်နေ့ နေ့လည် (၁၂) နာရီခွဲလောက် လာဖမ်းတယ် ဆိုပါတယ်။ (၁၄) ရက်နေ့မှာ ဘတ်စ်ကားကြီးတွေ အင်းစိန်လမ်းမှာ ပြေးလျှက်လို့ ပြောပါတယ်။


RASU ဘက် (၁၈ ) ရက်နေ့မှာ ဖြစ်တာကတော့ ရင်နင့်စရာကြီးပါ။ အသံလွှင့်ရုံက အသံလွှင့်တာဟာ တဖက်သတ်ကြီး RIT ကိုချည်း အပြစ်ပုံချလို့ ကျောင်းသားတွေ နာကျည်းရာက စတာပါ။ သမဝါယမ မီးရှို့တာ ကျောင်းသားတွေ မဟုတ်ပါတဲ့။ သမဝါယမ စာရင်းပိတ်ခါနီးလို့ စာရင်းတွေ ကွာနေတာကို ဖျောက်ချင်လို့ ရောင်တော်ပြန် သူတို့ ဘာသာ ရှို့တာပါ။ ကောင်စီရုံး ရိုက်ချိုးတာတော့ ကျောင်းသားတွေပါတဲ့။


(၁၃) ရက် (၁၄) ရက် (၁၅) ရက် RIT စက်မှုတက္ကသိုလ်ဘက် ရုတ်ရုတ် ရုတ်ရုတ်ဖြစ်တော့ နိုင်ငံခြားသံရုံးတွေဟာ အားလုံး တပ်လှန့်ပြေးလိုက်သလို ရှိလို့ ပြင်ဆင်ချိန်တွေ ရလိုက်ကြတယ်လို့ သိရပါတယ်။ သူတို့ရဲ့ Political အရာရှိတွေဟာ သူတို့ လူတွေကို ထောက်လှမ်းဖို့ နေရာတကာကို လွှတ်ပါတယ်။ သူတို့တတွေဟာ Well trained professional တွေ ဖြစ်ကြပါတယ်။ ကျွန်တော်တို့ MIထက်ရော SB ထက်ရော သတင်းစုဆောင်းရာမှာတော့ ပညာတို့ အတွေ့အကြုံတို့ ရင့်ကျက်မှုတို့ကော၊ ပစ္စည်းတို့ အသံဖမ်းစက်ကြီးတို့ လုပ်တာကိုင်တာ ကျွမ်းကျင်မှုတွေမှာတော့ မယှဉ်နိုင်ပါ။ မတ်လ (၁၈ ) ရက်နေ့ ကိစ္စမှာ သူတို့  TV သမားတွေ ဓာတ်ပုံသမားတွေ လွှတ်ရိုက်ထားတာတွေ၊ အင်မတန် အားကြီးတဲ့ အသံဖမ်းစက်ကြီးတွေနဲ့ ဒီဘက်က အမိန့်ပေးတာ အားလုံးလိုလို ဖမ်းထားကြပါတယ်။ ဒီဘက်က လက်လွတ်စပယ် ဝါယာလက်နဲ့ ပြောထားတာ သူတို့ အားလုံးရကြပါတယ်။ သူတို့သာ မဟုတ် မြို့နယ်ကောင်စီရုံးတွေမှာ ရှိတဲ့ တပ်နဲ့ တပ်ယာယီ စခန်းချတဲ့ နေရာက စက်တွေ အားလုံး ဖွင့်ထားကြရပြီး အဲဒီ အမိန့် ညွှန်ကြားတာတွေအတိုင်း လိုက်လုပ်ကြရပါတယ်။


အဲဒီ အမိန့်တွေက "ခြင်္သေ့" က အမိန့်ပေးပြီး "အာဏာ" ဆိုတာကို သတင်းပို့တယ်လို့ ဆိုပါတယ်။ "စည်သူ" ကို အများဆုံး ခိုင်းတယ်လို့ ဆိုပါတယ်။ တခါတခါ "ခြင်္သေ့" က မင်းတို့ RI နဲ့ မပြောနဲ့ မရှင်းမရှင်း ဖြစ်နေတယ် လူကိုယ်တိုင် သွားပြောဆိုပြီး၊ ဖြတ်ပြီး အမိန့်ပေးတာမျိုးလည်း ရှိပါတယ်တဲ့။ RIT နေ့က ဆိုရင် ဂုန်လျှော်စက်လား၊ ချည်စက်လား မသိ၊ အဲဒီအချိန်မှာ အလုပ်ဆင်းလို့ အလုပ်သမားတွေ ပြန်တာကို မှားပြီး အလုပ်သမားတွေ စစ်ကူလာတယ် ထင်ပြီး "အဲဒီဘက်ကို လာရင် ပစ်သာပစ်ထည့်" ဆိုတာမျိုးတွေ ကောင်စီရုံးတွေက ကြားနေရတယ်တဲ့။ ကံကောင်းလို့ အလုပ်သမားတွေက ကမာရွတ်ဘက် ပြန်တာတွေများလို့ ဘာမှ မဖြစ်တာလို့ ဆိုပါတယ်။
 
"အင်းလျားကန်ဘောင်ပေါ် မြင်ကွင်း" နဲ့ ဂျဒ်ဆင်နဲ့ မရမ်းကုန်းဂါတ်ရှေ့ မြင်ကွင်းဟာ အရုပ်ဆိုး အကျည်းတန်လွန်းလှပါတယ်။ အင်းလျားလမ်းတလျှောက်နဲ့ ဘွဲ့နှင်းသဘင် ရှေ့နားမှာလည်း အလားတူလောက်ပါ။ ကျွန်တော် သိသလောက်တော့ အမိန့်ပေးအဖွဲ့ဟာ အသံလွှင့်ရုံမှာ ဖြစ်ပါတယ်။


အင်းလျားကန်ဘောင်ပေါ်မှာတော့ လုပ်နည်းလုပ်ဟန်ဟာ ဟိုဘက်ဒီဘက် ပိတ်ပြီး ရဲအဖွဲ့က လူစုခွဲနည်းမျိုး ရိုက်ပုံသဏ္ဍာန် မဟုတ်ဘဲ ချောင်ပိတ်ပြီး "လိုက်ရိုက်သတ်တာမျိုး" ဖြစ်ခဲ့ပါတယ်။ တက္ကသိုလ် ကျောင်းထဲမှာ စခန်းဖွင့်ထားတဲ့ တပ်စခန်းနဲ့ ကပ်ရက်မှာ ဆရာတွေ အခန်းထဲမှာ ရှိနေကြပါတယ် "ခေါင်းကို ရိုက်သာခွဲ၊ နာနာရိုက် များများရိုက်နိုင်တဲ့ကောင် ဆုချမယ်" ဆိုတာတွ ကြားနေရပါတယ်။ အဲဒါ တစတစ တိုးတိုးကြိတ် ပြောရာက တက္ကသိုလ် တကျောင်းလုံး ဆရာတွေတိုင်း သိသွားကြပါတယ်။ အင်းလျားကန်ဘောင်ပေါ်မှာ အများဆုံး အရိုက်ခံရသူတွေဟာ မိန်းကလေးတွေပါ။ တချို့ မိန်းကလေးတွေဆိုရင် ဆံပင်ဆွဲရိုက်၊ ရေထဲကန်ချ၊ ကူးပြီး ပြန်တက်လာတဲ့ ကျောင်းသူလေးတွေဆိုရင် ထပ်ပြီးရိုက်၊ တချို့မိန်းကလေးတွေ ထိုင်ရှိခိုးတာလဲရိုက်၊ ထမီကျွတ်ပြီး ထွက်ပြေးတဲ့ မိန်းကလေးတဦးလဲ ဆံပင်ဆွဲရိုက်၊ ရေထဲကန်ချတာမျိုး နေ့ခင်းကြောင်တောင်ကြီးမှာ လုပ်ကြတာပါ။ နောက်ပိုင်းမှာ ရေထဲက မိန်းကလေး အလောင်းနှစ်လောင်း ပေါ်တယ်လို့ ဆိုပါတယ်။ စုံစမ်းကြည့်ပါ၊ ဆရာ၊ ဆရာမ မြင်တဲ့သူတွေ ရှိကြပါတယ်။


အဲဒီနေ့က RASU ကျောင်းဖွင့်တယ် တက်ကြတယ်ဆိုလို့ ကျောင်းတက်သူတွေ အများကြီးပါ။ အင်းလျားကန် တဝိုက်မှာရော RASU ထဲမှာရော တွေ့သမျှ ကျောင်းသားတွေကို ဖမ်း၊ ရိုက်၊ ကားပေါ်ဆွဲတင်၊ မိန်းခလေးတွေရဲ့ လက်ဝတ်လက်စား၊ ဆွဲကြိုး၊ နာရီ အားလုံးချွတ်ယူ၊ ကားပေါ်မှာ မတော်မတရားတွေကိုင်၊ ငရဲပြည်လိုပါလို့ ပြောကြပါတယ်။ မိန်းခလေး တယောက်တလေမှ မကျန်၊ အားလုံး ပစ္စည်းအလုခံရသူ ချည်းပါ။ အင်းလျားကန်စောင်းမှာ ရိုက်တာနှက်တာတွေ၊ ရေထဲကန်ချတာတွေ ဂျာမဏီ ပရောဂျက်တခုမှာ လုပ်နေတဲ့ နိုင်ငံခြားသားတယောက်က ဓာတ်ပုံရိုက်တယ်လို့ သိရပါတယ်။ သူတို့ သံရုံးက သိမှာပါ။ တခြားမြင်သူတွေလည်း တပုံကြီးပါ။ ကန်တဖက် ခြံတွေထဲ ထွက်ပြေးရာ ခြံတွေအထိ လိုက်ရိုက်ကြပါတယ်။ အိမ်တွေက ဝှက်ထားကြပါတယ်။ အဲဒီညက အင်းစိန်ထောင်မှာ သေသူတွေ ရှိပါတယ်။ ညကိုးနာရီမှ မနက်သုံးနာရီအထိ မီးရှို့ကြပါတယ်။ ကြံတော သင်္ချိုင်းမှာပါ။ အဲဒီ လူဦးရေနဲ့ ပတ်သက်ပြီး ပါတီတခုမှာ ဂါးဒီးယန်း ဦးစိန်ဝင်းနဲ့ အင်္ဂလန်သံအမတ် စကားစပ်မိကြပါတယ်။ ဘယ်လောက်လို့ ထင်သလဲလို့ အင်္ဂလန်သံအမတ်က မေးတော့ ဦးစိန်ဝင်းက "ကြားတော့ ကြားတယ် ဘယ်လောက်လဲတော့ မသိဘူး" လို့ ပြောတဲ့အခါ သူက "မိန်းခလေး ခုနှစ်ယောက်ပါပြီး အားလုံး ၄၂ ယောက်တဲ့။ သေတဲ့သူတွေထဲမှာ ဘာဒဏ်ရာမှ မရှိဘဲ အသက်ရှုမရ (Choke) ဖြစ်ပြီး သေတဲ့လူတွေ ရှိတယ်" လို့ ဆိုပါတယ်။ နောက်နေ့တွေမှာလည်း ရှိပါတယ်။ အင်းစိန်ထောင် လူသေတွေကို မှုခင်းဆရာဝန်ကြီး ဒေါက်တာဘချွန်း (နာမည် အတိအကျ မသိ) တစ်ဦးတည်း မနိုင်လို့ ရန်ကုန်ဆေးရုံကြီး ခွဲစိတ်ကုသဘက်ကို အကူအညီတောင်းလို့ ဆရာဝန် နှစ်ဦးပေးရတယ်လို့ ဆိုပါတယ်။ တစ်ယောက်စီအား လူသေ (၄၀) ကို Postmortem Exam လုပ်ခဲ့ရတယ်လို့ ဆိုပါတယ်။ (ဟုတ်မဟုတ် မေးကြည့်ပါ။)


လူသေတွေကို မီးရှို့ရာမှာ ဘာမှ နာမည်တွေကို မစူးစမ်း မရေးခဲ့ မှတ်တမ်း မပြုစုခဲ့ပဲ သက်ဆိုင်ရာ အကြောင်းမကြားဘဲ တိတ်တဆိပ် ဖျောက်ပစ်တဲ့ သဘောမျိုး မီးရှို့တယ်လို့ သိရပါတယ်။ မီးရှို့သူတွေကိုလည်း ဘယ်သူမှ မပြောရ ပြောလျှင် သတ်မည်ဟု ကြိမ်းကြောင်း မီးရှို့သူတွေက ပြောကြောင်း သိရပါတယ်။ ဒါဟာ Human Right ကမ္ဘာ့ မှတ်တမ်းတင် ခံရမယ့် ကိစ္စဖြစ်ပါတယ်။ တလလောက်ကြာမှ တချို့ ကျောင်းသားမိဘတွေကို စာရွက်ကလေး လာပေးတယ်လို့ ဆိုပါတယ်။ သေဆုံးသွားလို့ ကောင်းမွန်စွာ သဂြိုလ် ပြီးစီးကြောင်းပါ။ တိုးတိုးတိတ်တိတ် နေပါ။ ရပ်ရွာသိအောင် မငိုရ။ သပိတ်မသွတ်ရ ဆိုလို့ ဘုန်းကြီးကျောင်း တခုခုမှာ တိတ်တိတ်သွားပြီး ဆွမ်းသွတ်ရပါတယ်။ ဒါဟာလဲ Human Right တွေပါ။ မွတ်ဆလင် ကလေးတဦး ကိစ္စမှာ ပြဿနာပေါ်ပါတယ်။ ဗလီကို တိုင်တယ်ကြားပါတယ်။ စွတ် မီးရှို့လို့ပါ။


မွန်းသေတဲ့ အထဲမှာ ၁၀ နှစ် ကလေးပါပါတယ်။ တချို့ကတော့ ဒဏ်ရာ ရသူရော မရသူပါ ကားတစီးတည်း ပြွတ်သိပ်ထည့်ပိတ်ပြီး မွန်းသေတယ်လို့ ပြောပါတယ်။ တချို့ကတော့ အင်းစိန်ထောင်ထဲ သွင်းတော့ ထောင်အပြင်ကလည်း မြို့သူမြို့သားတွေ ထောင်ဝိုင်းကြပြီး ဆူတော့ ထောင်ထဲကလည်း ကျောင်းသားတွေက ဆူလို့ ထောင်ထဲမှာ ဆိုးသွမ်းအကျဉ်းသားတွေ တိုက်ပိတ်တဲ့ ၁ ယောက် ၂ ယောက်တည်း ထည့်တဲ့ ပြတင်းအမြင့်ကြီးနဲ့ အထဲကို လေးငါးဆယ် ထည့်ပိတ်လို့ အောက်ဆီဂျင် မရလို့ သေတယ်လို့ ဆိုပါတယ်။ နောက်ပြီး ထောင်ထဲရောက်နေတဲ့ သူတွေကို ထောင်နဲ့ မဆိုင်တဲ့ ပြင်ပရဲ ဖြစ်တဲ့ လုံထိန်းပုလိပ်တွေ ဝင်လာပြီး ရိုက်ကြပါတယ်။ ရိုက်တာမှ မီးမှိတ်ပြီး ရိုက်တယ်လို့ ဆိုပါတယ်။ ဒါဟာ ဥပဒေအရတော့ .......... သိရပါတယ်။ ထောင်ထဲဝင်ပြီး သတ်ကြတာ ဖြစ်ပါတယ်။ ဘယ်နှစ်ကြိမ် ဘယ်နှစ်ညတော့ အတိအကျ မသိရပါ။ ထောင်ထဲဝင်ပြီး သတ်ကြ ဖြတ်ကြပါတယ်။ အဲဒီအချိန်မှာ ဆူရမလား ဆိုပြီး ကျောင်းသူတချို့ကို ရိုက်ပြီး လုံထိန်းတွေက မုဒိန်းကျင့်တယ်လို့ ဆိုပါတယ်။ မိန်းခလေးတွေဟာ မပြောရဲ မဆိုရဲ အချို့ လေးငါးဆယ်ရက်အထိ ကြောင်နေတာ ငေးနေတာတွေ အချို့ အိမ်က ဘာမှ မေးမရပဲ သူ့ကို သီလရှင်ကျောင်းပို့ပြီး သီလရှင် ဝတ်ပါရစေတော့လို့ ငိုပြောတာတွေ ကြားရပါတယ်။ အဲဒါနဲ့ ပတ်သက်ပြီး အပြင် ဧည့်ခံပွဲ တခုမှာ ကျွန်တော့် မိတ်ဆွေတဦးနဲ့ ဂျာမဏီ သံအမတ်ကြီးက တကယ်ဟုတ်မှန်ကြောင်း သူ ခိုင်လုံသော နေရာမှ သိရကြောင်း ပြောပါတယ်။ စစ်ဆေးတဲ့ Postmortem ဆရာဝန်ထံမှ သိရှိဟန်တူပါတယ်။ (ဗိုလ်ချုပ် စုံစမ်းကြည့်ပါ။)


ဒဏ်ရာရပြီး ဆေးရုံတင်ရတဲ့ လူနာတွေအားလုံး ခြေချင်းခတ်ခံထား ရပါတယ်။ တချို့သေမယ့် လူနာတွေ ဖြစ်ပါတယ်။ ဦးနှောက်နဲ့ အာရုံကြော ဆေးရုံက ဆရာဝန်ကြီးတဦးကတော့ သူ့လူနာကို လက်ထိပ် ခြေထိပ်ခတ်ခွင့် လုံးဝခွင့်မပြုပါ။ ခေါင်းကို ရိုက်ထားရာ သတိမရသူများပါ ဒဏ်ရာရသူများကို အပြင်မှ ဘယ်သူ့ကိုမှ တွေ့ခွင့်မပေးပါ။ တာဝန်ကျနေသည့် ဒေါက်တာမလေးတွေက တိတ်တဆိတ် လူနာ့ထံမှ လိပ်စာမေးပြီး အိမ်သွားပြောမှ အိမ်ကလိုက်လာပြီး ဇွတ်တွေ့မှ လူနာရော၊ မိဘရော၊ သူနာပြုဆရာမတွေရော၊ ဆရာဝန်မတွေရော ရောနှောပြီး ငိုကြယိုကြကြောင်း ပါဝင်သူ ဆရာဝန်မ ကိုယ်တိုင်ပြောလို့ သိရပါတယ်။


ထောင်ထဲမှာ ရိုးရိုးရိုက်တာတွေ မကပါ။ တော်တော်ကြီး နှိပ်စက်တာ ညှင်းပန်းတာမျိုးတွေ တော်တော်များများ ကျူးလွန်ကြပါတယ်။ အရိုးကု ဆေးရုံအုပ်ကြီး ပါရဂူ ဒေါက်တာဘညွန့်ရဲ့သားကို မေးကြည့်ပါ။ သူကိုယ်တိုင် မသေရုံ တမယ်ပါ။ နေ့စဉ် အခန်းထဲကထုတ်၊ ကျောက်စရစ်ခဲလေးတွေ ခင်းထားတဲ့ မြေကြီးပေါ် ဒူးထောက်ခိုင်းထားပြီး ရိုက်ရိုက်နေတာပါ။ ပထမတော့ ရိုက်တဲ့သူကို မျက်နှာ သေသေချာချာ မှတ်ထားပါတယ်တဲ့။ နောက်နေ့ကျတော့ ရိုက်တဲ့သူကို လှည့်ထားလေ့ရှိတာကြောင့် မမှတ်မိတော့ဘူးလို့ ဆိုပါတယ်။ တခြားနည်းတွေနဲ့လည်း ခံနေရသူတွေ ရှိပါတယ်။ နာမည် မဖော်ရဲကြပါ။ ကျွန်တော့်ဆိုင်ဟာ လဖက်ရည်ဆိုင်ပါ။ လူပေါင်းစုံ လာကြပါတယ်။ အချို့ သူတို့ ခံခဲ့ရပုံတွေကို လာပြီး ပြောပြပါတယ်။ လိပ်စာနဲ့ အမည်တွေကိုပါ ပြောရဲတဲ့ သူတွေ ရှိကြပါတယ်။ ကျွန်တော်က အားကိုးတကြီးနဲ့ လာပြောသူတွေ ဒုက္ခ မရောက်စေချင်လို့ လိပ်စာကိုတော့ လက်မခံရဲပါ။


RASU မှာ ကျောင်းသား တသောင်းကျော် ရှိပါတယ်။ ဆေး သွားကောလိပ်တွေမှာ ငါးထောင်လောက်၊ RIT မှာလည်း တသောင်းလောက်တော့ ရှိကြပါတယ်။ March အရေးအခင်းဟာ သူတို့ တသက်မမေ့စရာပါ။ ကျွန်တော်တို့တတွေ အားလုံး သေတောင် သူတို့ ကျန်နေကြဦးမှာပါ။ ဒီကိစ္စဟာ ရာဇဝင်ရဲ့ အမဲစက် ဖြစ်တော့မှာပါ။ Human Right ကို မြန်မာပြည်မှာ ဘယ်သူတွေ ကျူးလွန်တယ် ဘယ်လို ကျူးလွန်တယ် ဆိုတာ ပေါ်မှာပါ။ "အင်းလျားကန်မှာ သွေးချောင်းစီးသောနေ့ တနေ့" ဆိုတဲ့ မှတ်တမ်းကို သားသမီးတွေ မြေးမြစ်တွေ ဖတ်ရမှာ မုချပါ။


မြန်မာပြည်ရှိ နိုင်ငံခြားသံရုံးတွေမှာ သတင်းစုံ ရှိနေပါတယ်။ ဓာတ်ပုံတွေ Video တွေလည်း ရှိနေပါတယ်။ မြန်မာနိုင်ငံ အစိုးရနဲ့ Embrass ဖြစ်မှာမို့ ဒီမှာ ဘာမှ မပြောပေမဲ့ သူတို့ နိုင်ငံကိုတော့ သတင်းစုံ ပို့မှာပါ။ သူတို့က ကျွန်တော်တို့ထက် ပိုပြီး သတင်းစုံပါတယ်။ သာယာဝတီထောင်မှာ ဘာဖြစ်တယ် ကျွန်တော်တို့ မသိ သူတို့ သိပါတယ်။ သူတို့ဘက်က နောက်ဆုံးကြားတာကတော့ သေဆုံးသူ (၂၈၃) ယောက်။ နောက်ပိုင်းမှာ ကုလားဒိန်တွေ အများဆုံးလို့ ဆိုပါတယ်။ အင်းစိန်ထောင်ပိုင် ကိုယ်တိုင် ရိုက်သတ်တာတောင် ရှိတယ်လို့ ဆိုပါတယ်။
 
ဂျနီဗာမှာ ကုလသမဂ္ဂ Human Right နဲ့ ပတ်သက်တဲ့ အဖွဲ့တွေ ရှိနေပါတယ်။ မြန်မာနိုင်ငံကလည်း သံအမတ်အဆင့်ရှိ ရုံးရှိနေတယ် ထင်ပါတယ်။ ကုလသမဂ္ဂ အဖွဲ့အစည်းရဲ့ အဲဒီ Amnesty International အဖွဲ့ရုံးမှာ တိုင်စာတွေ တခုပြီးတခု ရောက်နေပြီလို့ ကြားရပါတယ်။ ဦးအောင်သန်းလား ဘာလားမသိ ကျွန်တော်တို့ ကိုယ်စားလှယ်တွေဟာ တချိန်ချိန်မှာ ဖြေရတော့မှာပါ။ အဲဒီအပြင် ပြင်ပ Human Right အဖွဲ့အစည်း ၃ ခုလောက် ရှိပါသေးတယ်။ မကြာခင် (ယခုတောင် စချင်စနေမှာပါ) တဖြည်းဖြည်း ကမ္ဘာကို သတင်းဖြန့်မှာ သေချာပါတယ်။


ဧပြီလဆန်း (၂) ရက်နေ့လောက်က သိမ်ကြီးဈေးကို ဈေးသွားပါတယ်။ ကျွန်တော်တို့ သွားခါနီးလောက်မှာ ဧည့်သည်ရောက်လာလို့ ကျွန်တော်မပါ ဇနီးနှင့် ကလေးများ သွားကြပါတယ်။ မကြာခင် ဇနီးနှင့် ကလေးများ မျက်စိ မျက်နှာပျက်ပျက်နှင့် ပြန်လာကြပါတယ်။ သူတို့ ပြောပြတဲ့ မြင်ကွင်းကတော့ ဆေးရုံကြီးဒေါင့် သိမ်ကြီးဈေးဘက် အချိုး မီးပွိုင့်မှာ မီးနီပြထားလို့ ကားရပ်ထားစဉ် ရဲမော်တော်ဆိုင်ကယ် နောက်က RTB ခေါင်းပြာထရပ်ကားတစီး ထူးဆန်းလို့ ကားပေါ်လှမ်းကြည့်တဲ့အခါ အလောင်းတော်တော်များများ ပုံထားတာကို တွေ့ရပါတယ်။ နောက် ဆေးရုံကြီးရဲ့ ရင်ခွဲရုံဘက် မောင်းချိုးဝင်သွားတယ်လို့ ဆိုပါတယ်။ အဲဒီနေ့ဟာ ဧပြီ (၂) ရက်နေ့ပါ။ နောက်စုံစမ်းကြည့်တော့ အားလုံးက လူသေ ၂၀ ဖြစ်ပါတယ်။ ၄ ယောက်က အသက်ရှူပိတ်ပြီး သေတာလို့ သိရပါတယ်။


ဗိုလ်ချုပ်ခဗျား ဒီကိစ္စနဲ့ ပတ်သက်ပြီး ကျွန်တော် တောင်းပန်ပါရစေ။ ဗိုလ်ချုပ်ဝင်ပြီး လက်မရှိုပါနဲ့၊ နောင် အရိုးတွေ တွန်မည့် Human Right  ကိစ္စ ဖြစ်ပါတယ်။ ရာဇဝင်ရိုင်းတော့မည့် ကိစ္စပါ။ ဗိုလ်ချုပ် တကယ်တမ်းလည်း မပါပါ။


စုံစမ်းရေး ကော်မရှင်က သတင်းပို့ဖို့ ဖိတ်ကြားတဲ့အခါ (၁) သတင်းပေးပို့သူက အရင် သူသိတာ ရေးတင်၊ အဲဒီထဲကမှ သင့်တော်သူကို ခေါ်မေးမည်။ (၂) ဟိုက်ကုတ်ကို သတင်းပေးဖို့ သွားသူတွေဟာ ဂိတ်ဝမှာြှု ထဲ လက်မှတ်ရေးထိုးပြီးမှ ဝင်ရပါတယ်။ (၃) သာမန် ဝင်နေကျ ရှေ့နေရုံးတက်တဲ့ ရှေ့နေတွေပါ လက်မှတ် ရေးထိုးရပါတယ်။ (ဦးတင်အောင်ဟိန်း အသိပါ။)


နောက် အကျဉ်းထောင်တွင် ဆရာဝန်တွေ ဝင်စစ်သည်ဟု ကြားသိရပါသည်။ ပထမ သေနတ်မှန်သူတွေကို ဆူးအချွန်အတက်နဲ့ ထိုးမိသည်ဟု ဆရာဝန်ကို ရေးခိုင်းသည်။ (ဟုတ်မဟုတ် စုံစမ်းပါ။) နောက်ဆုံး ကော်မရှင် Report တင်သည်။ ထိုအစီရင်ခံစာကို မထုတ်ပြန်သေး၊ ကောင်စီမှ ဖုန်းအုပ်တဲ့ လိမ်ထားတဲ့ ကြေငြာစာတမ်း ထုတ်ပြန်သည်။ အမှန်ကို အမှန်အတိုင်း မကြေငြာ ဖမ်းထားသူတွေကို စာရင်းဖျောက်ထားသည်။ သေသူကို နှစ်ဦးပဲ ဆက်ပြထားပါသည်။ အစထဲက ကော်မရှင် မဖွဲ့လျှင် ကိစ္စမရှိပါ၊ ယခုလို ဗလောင်းဗလဲ လုပ်ပြီး ကြေငြာတာကတော့ ရာဇဝင် ရိုင်းလှပါသည်။


ဗိုလ်ချုပ်ခဗျား ဒီကိစ္စဟာ သေးသေးမဟုတ်ပါ။ နိုင်ငံတကာက သိနေသည့် Human Right  ကိစ္စကြီး တိုက်ရိုက် ပါနေပါသည်။ မှန်အောင် ပြန်ပြင်စေချင်ပါသည်။


ရဲချုပ်၊ ဒုရဲချုပ်၊ ဗိုလ်မှူးကြီးဖေကြည်၊ ဆရာဝန်များ၊ ဦးတင်အောင်ဟိန်း၊ ပါမောက္ခချုပ် RASU လောက် မေးလျှင် အမှန်သိမည် ဖြစ်ပါသည်။


ဗိုလ်ချုပ်အနေနဲ့ လက်ဝဲရံ၊ လက်ယာရံတွေအတွက် လက်မရှိုလိုက်ပါနဲ့လို့ တကယ်လေးလေးနက်နက် တောင်းပန်ပါတယ်။


လေးစားစွာဖြင့်


(အောင်ကြီး )
အငြိမ်းစား


ကျောင်းဆရာ၊ ပါမောက္ခများသည် လခစား ကျောက်ရုပ်များ မဟုတ်၊ ကျောင်းသား ကျောင်းသူများ၏ အပူဇော်ခံထိုက်သူများ ဖြစ်ရန်လိုပါသည်။ ရှေ့နေ ဝတ်လုံ တရားသူကြီးများသည် တရားရုံးများတွင် အခကြေးငွေအတွက်သာ လုပ်နေသူများ မဟုတ် တရားဥပဒေ စိုးမိုးရေးအတွက် ကာကွယ်ရမည့်သူများ ဖြစ်ရန်လည်း လိုပါသည်။


မိတ္တူကို -


တော်လှန်ရေးကောင်စီဝင်ဟောင်းများ
တပ်မတော်ရဲဘော်ဟောင်းများ
နိုင်ငံရေးလုပ်ဖော်ကိုင်ဖက်များ
မြန်မာနိုင်ငံ ရှေ့နေအသင်း
ပါမောက္ခနှင့် ဆရာ ဆရာမကြီးများ


ကျောင်းသားများကို လှုံ့ဆော်ရာ ရောက်မည်စိုး၍ တက္ကသိုလ် ပိတ်သည်အထိ စောင့်ပြီးမှ အသိပေးခြင်း ဖြစ်ပါသည်။

မဏ္ဍာပ်မထိုးရ လူမစုရ ...

မဏ္ဍာပ်မထိုးရ လူမစုရ
စားမြိန်ထုတ်မထည့်လိုက်ရ
ရေအိုးမခွဲလိုက်ရ
မနက်စောစောချတဲ့အသုဘ
ဖုန်းမော်ရေ အမျှ . အမျှ . အမျှ

ရန်ကုန်စက်မှုတက္ကသိုလ် ကျောင်းသားသမဂ္ဂမှ ထုတ်ဝေသည့်
စက်မှုအားမာန် စာစောင်၊ အမှတ်စဉ် (၄)၊ ၁၇.၉.၈၈ မှ ကူးယူဖော်ပြပါသည်။

ရန်ကုန်စက်မှုတက္ကသိုလ်၊ မတ်လ အရေးအခင်းတွင် ကျဆုံးသွားခဲ့သော ကိုဖုန်းမော်၊ ပဉ္စမနှစ် (ဓာတု) ၏ အမကြီး မမာမာဝင်း၊ သူငယ်ချင်းများ ဖြစ်ကြသော ကိုခင်မောင်ထွန်း (B.Sc. Hist) ၊ မဝင်းဝင်းမြင့် (B.Sc. Phy)၊ ကိုမင်းထွဋ်  III Yr Zoo တို့နှင့် စက်မှုအားမာန် စာစောင်အဖွဲ့တို့ တွေ့ဆုံဆွေးနွေး မေးမြန်းခဲ့သည်များကို ကျန်ရစ်သူများ၏ ခံစားချက်များအတိုင်း ဖော်ပြလိုက်ပါသည်။

ဦးစွာ ကိုဖုန်းမော်၏ မိသားစု အတွင်းရေးနှင့် ပတ်သက်၍ မေးမြန်းကြည့်ရာ မိဘများမှာ ဦးဩဘာနှင့် အဒေါ်အမာ ဖြစ်၍၊ ကွယ်လွန်သွားကြပြီ ဖြစ်ကြောင်း။ မောင်နှမ ငါးဦးအနက် စတုတ္ထမြောက် သားဖြစ်ကြောင်း၊ မမာမာဝင်းက ပြောပါသည်။ အကိုကြီး ကိုကျော်ဝင်းနှင့် အမနှစ်ယောက်ဖြစ်သော မမာမာဝင်းနှင့် မမာမာအိတို့က မင်္ဂလာဈေးတွင် ဆိုင်ဖွင့်ပြီး ကိုဖုန်းမော်နှင့် ညီမငယ် မနီနီအောင် (ဒုနှစ်၊ ဓာတု-လှိုင်) တို့ကို မိဘသဖွယ် ပညာရေးကို တာဝန်ယူ အုပ်ထိန်းနေရကြောင်း ပြောပါသည်။

ကိုဖုန်းမော် ကွယ်လွန်ခဲ့သော အဖြစ်အပျက်နှင့် ပတ်သက်၍ မေးမြန်းရာ ကိုဖုန်းမော် သေဆုံးသည်ကို ၁၃.၃.၈၈ က ချက်ချင်း မသိရကြောင်း ၁၄.၃.၈၈ ရက် နေ့လည် ၁-နာရီတွင် ဈေးထဲမှ ရေဒီယိုက တဆင့်ကြားရကြောင်း၊ ကိုဖုန်းမော်၏ ညီမငယ် မနီနီအောင်ကလည်း ၄င်းကျောင်းတက်နေသော ရန်ကုန်တက္ကသိုလ် လှိုင်နယ်မြေမှ သိလာရကြောင်း အမလတ် (မမာမာအိ) က ဈေးမှကြားကြားချင်း ဆေးရုံကြီး အရေးပေါ် ဋ္ဌာနသို့လိုက်၍ စုံစမ်း၍ရာ ဆရာဝန်ကြီးများက ချွန်ထက်သော စူးနှင့် ထိုးမိ၍ သေဆုံးကြောင်းပြောသည်။ အမလတ်က ဘယ်အချိန်လောက်က ဆုံးသလဲဟု မေးရာ ကျောင်း၌ပင် သေးဆုံးခဲ့ဟန်တူကြောင်း ဖြေသည်။ ကျောင်းမှာ တခါတည်း သေရလောက်အောင် ထိုးတဲ့စူးက ဘယ်လိုစူးလဲဟု မေးသောအခါမှ သေနတ်ဒဏ်ရာလည်း ဖြစ်နိုင်ကြောင်း ဖြေသည်ဟု ဆိုပါသည်။ ထို့နောက် အမလတ်ကို မှုခင်းရဲတပ်ဖွဲ့က ရန်ကုန်တိုင်း ရဲတပ်ဖွဲ့မှူးရုံး (၄၇ လမ်း ) သို့ ခေါ်ယူ၍ ကိုဖုန်းမော် အကြောင်းကို အသေးစိတ် စစ်ဆေးမေးမြန်းကြောင်း ပြောပါသည်။

အိမ်ပြန်ရောက်သောအခါ အရပ်က အိမ်တွင် မဏ္ဍာပ် ထိုးပေးထားကြကြောင်း သို့သော် ရပ်ကွက်ကောင်စီက ခေါ်တွေ့ပြီး မဏ္ဍာပ်ကို ဖျက်ခိုင်းကြောင်း၊ လူမစုရ၊ အသုဘအိမ်နှင့် တူအောင် မနေရဟု ပြောကြောင်း၊ ထိုနေ့မှစ၍ (၃) ရက်တိတ် ရပ်ကွက်ကို မီးဖျက်ထားကြောင်း ပြောပါသည်။

အနီး ပတ်ဝန်းကျင်မှ လူများကိုလည်း ထောက်လှမ်းရေးက ကိုဖုန်းမော်နှင့် ပတ်သက်၍ စုံစမ်းသောအခါ "လူအေးလေးပါ" ဖြေသူများကို ဒါလောက် ဆိုးသွမ်းနေတဲ့ လူငယ်တစ်ဦးကို ခင်ဗျားတို့က ဘယ်လို အကြောင်းပြချက်နဲ့ လူကောင်းလို့ ပြောကြတာလဲဟု ဟောက်ကြောင်း အမကြီးက ပြောပြပါသည်။

သတင်းစာတွင်လည်း နာရေးကြော်ငြာထည့်ခွင့် မရခဲ့ကြောင်း ထောက်လှမ်းရေးများ ခြေချင်းလိမ်နေကြကြောင်း၊ လမ်းနှင့် အိမ်ကိုလည်း စောင့်ကြည့်ကာ ဓာတ်ပုံရိုက်နေခဲ့ကြောင်း ဆက်ပြောသွားပါသည်။ ၁၅ ရက်နေ့တွင် ကျောင်းသားများက ကိုဖုန်းမော် သေနတ်ဒဏ်ရာဖြင့် ကွယ်လွန်ခြင်းဖြစ်ကြောင်း လာပြောပါသည်။

ဆက်လက်၍ မမာမာဝင်းက "၉ နာရီလောက်မှာ လမ်းထဲက လူတွေက လမ်းထိပ်အဝင်အထွက် လူများကို ဓာတ်ပုံရိုက်နေကြောင်းကို လာပြောတယ် ..။ အမတို့ အနေနဲ့ အာဏာနဲ့ ဖိနှိပ်မှုတွေကို အလွန်ရွံ့မုန်းတယ်" .. ဟု ပြောပါသည်။

သတင်းစာတွင် နာရေးကြော်ငြာ ထည့်ခွင့်မရ၍ ကိုဖုန်းမော် ကွယ်လွန်ကြောင်းကို ညီမငယ် ဖြစ်သူက သင်ပုန်းတစ်ခုတွင် ရေးပြီး အိမ်ရှေ့တွင် ထောင်ထားခဲ့ကြောင်း၊ ရပ်ကွက်ကောင်စီက ဖျက်ခိုင်းသောအခါ နာရေးကြော်ငြာ မထည့်ရမချင်း ဖျက်မပေးနိုင်ကြောင်း ပြောမှသာ သတင်းစာ ထည့်ခွင့်ရအောင် လုပ်ပေးမည်ဆိုပြီး ဖုန်းဆက်ပေးကြောင်း သိရသည်။

မြို့နယ်ရုံးမှ အတွင်းရေးမှူးက ဖုန်းမော် သင်္ဂြိုလ်ရန်ကိစ္စကို သက်ဆိုင်ရာက သင်္ဂြိုလ်ပေးရမည်လား မိသားစုက သင်္ဂြိုလ်မလားဟု မေးရာ "အမတို့ မိသားစုက ကျောင်းသား အသိုင်းအဝိုင်းနဲ့ သင်္ဂြိုလ်ချင်တယ်လို့ ပြန်ပြောလိုက်တယ်" ဟု ပြောပြပါသည်။

"နေ့လည် ၁၁ နာရီမှာ အလောင်းကို ကြည့်ခွင့်ပေးမည်ဆိုပြီး ၄၇ လမ်း ရုံးကို ခေါ် သွားကြောင်း၊ အလောင်းကို (၁၇) ရက်နေ့ ပေးမယ်လို့ ပြောတယ်။

နောက်တော့လည်း မရပါဘူး၊ အမတို့က ဈေးသည်ဖြစ်တဲ့ အလျောက် ဈေးသည်တောင်မှ ကတိတည်သေးတာ၊ အစိုးရဆိုရင် ဈေးသည်ထက် ကတိတည်မယ် ထင်ထားတာ၊ အစိုးရဟာ ဈေးသည်လောက်တောင် ကတိမတည်ဘူး၊ ကုန်သည်ထက် ဖျင်းတယ်" ဟု မမာမာဝင်းက သူ့ရဲ့ အမြင်ကို ရိုးသားစွာ ပြောပါသည်။

၄၇ လမ်း ရုံးတွင် တော်တော်ကြာ စောင့်နေပြီးမှ ဆေးရုံကြီးကို ခေါ် သွားကြောင်း အရေးပေါ်ဋ္ဌာနတွင် မိနစ် ၃၀ လောက် စောင့်ရပြီးမှ အလောင်းကို အမလတ် တစ်ယောက်သာ ကြည့်ခွင့်ရကြောင်း၊ အလောင်းမှာ ဂျပန်ဆေးရုံတွင် ထားဟန်တူကြောင်း၊ အရေးပေါ် အခန်းလွတ်ထဲတွင် ရုတ်တရက် လာထားဟန်တူကြောင်း အလောင်းပုံစံမှာ ခေါင်းတွင် သွေးများနှင့် ဖူးယောင်နေဟန် ဖန်တီးထားပြီး မျက်နှာကိုသာ ဖော်ထားကာ ကျန်အပိုင်းများကို မြင်ခွင့်မရခဲ့ကြောင်း ရင်နင့်ဖွယ် ပြောပြပါသည်။

၁၆ ရက်နေ့တွင် သတင်းစာ၌ နာရေးကြော်ငြာ ပါလာသော်လည်း "ရုတ်တရက်" ဟူသော စကားလုံးကို ဖြုတ်ချခဲ့ကြောင်း ပြောပါသည်။

ည (၇) နာရီလောက်တွင် ရဲအုပ်အဆင့်ရှိသူ လူနှစ်ယောက် ရောက်လာပြီး ဘာလိုအပ်သလဲဟု မေးရာ အမတို့အနေနဲ့ "ဘာမှ မလိုပါဘူး (၁၇) ရက်နေ့ အလောင်းရရင် တော်ပါပြီ" ဟု ပြောလိုက်ကြောင်း သိရသည်။

(၁၇) ရက်နေ့ နံနက် ၅ နာရီတွင် အိမ်၌ မြေချသပိတ်သွတ်ရန် မုန့်၊ လ္ဘက်ရည် စီစဉ်ထားသည်။ ထိုအချိန်တွင် မိမိကိုယ်ကို အတွင်းရေးမှူးဟု ပြော၍ လူတစ်ယောက် ရောက်လာပြီး၊ မောင်နှမ (၄) ယောက်ကို လူကြီးက စကားပြောချင်လို့ (၄) ယောက်လုံး လိုက်ခဲ့ပါဟု ပြောကြောင်း၊ လူကြီးဆိုတာ ဝန်ကြီးကို ဆိုလိုကြောင်း ထိုလူက ပြောသည်။

အမကြီးက ဖုန်းမော်ကိုပြပြီး သင်္ဂြိုလ်မှာလားဟု မေးရာ၊ မဟုတ်ပါဘူး လူကြီးက စကားပြောချင်လို့ ခေါ်တာပါဟု ပြောရာ ဘုန်းကြီးများ မရောက်သေး၍ ညီမငယ်ကို နေခဲ့ရန် မှာစဉ် လေးယောက်စလုံး လိုက်ခဲ့ရန် အတင်းခေါ်ရာ ညီမငယ်က နေခဲ့ကြောင်း ပြောပါသည်။

၆း၃၀ လောက်တွင် (၄၇) လမ်း ရုံးသို့ ခေါ် သွားရာ အတန်ငယ် ကျယ်ဝန်းသော အခန်းတွင် မိနစ် ၃၀ လောက် ထိုင်ခိုင်းထား၍ "လူကြီး ဘယ်မှာလဲ" ဟု မေးတိုင်း မဖြေဘဲ မုန့်၊ လ္ဘက်ရည်နှင့်သာ ဧည့်ခံကြောင်း၊ သို့သော် မသောက်ခဲ့ကြောင်း ပြောပြပါသည်။

အတန်ကြာမှ ဂျပန်ဆေးရုံ (အထွေထွေ ရောဂါကုဆေးရုံ) သို့ သွားရန် ဟိုင်းလပ်စ်ကား တစ်စီးပေါ် တက်ခိုင်းပြီး ဆေးရုံကြီးသို့ ခေါ်လာခဲ့သည်။ ဆေးရုံကြီးတွင် ၉၂၉ နှစ်စီး၊ အသုဘယာဉ်၊ ဘုန်းကြီးငါးပါးကားနှင့် ဋ္ဌာနဆိုင်ရာ ကားတစ်ချို့ တွေ့ရတော့မှ အစိုးရ ထိန်းချုပ်မှုအောက်တွင် အသုဘချရန် စီစဉ်ထားပြီး ဖြစ်ကြောင်း ရိပ်မိ၍ ဆင်းမည်ပြုရာ ရဲအုပ် အမျိုးသမီး (၃) ဦး ပိတ်တားပြီး လုံးဝ ဆင်းခွင့်မရခဲ့ကြောင်း။

"အမတို့မှာ ငိုယုံက လွဲလို့ ဘာမှ မတတ်နိုင်ပါဘူးကွယ်" ဟု ရင်နင့်ဖွယ် ရှိုက်သံတဝက်ဖြင့် ပြောပြပါသည်။

ဂျပန်ဆေးရုံ ရောက်ပြီးနောက် ဆင်းခိုင်းသည်။ မဆင်းလိုကြောင်း ပြောရာ လာခေါ် စဉ်က လေသံမျိုး မဟုတ်ပဲ မဆင်းရင် အတင်းဆွဲချဟု ပြောရာ အမကြီးက "ကဲ ဆင်းပေးလိုက်တော့၊ သူတို့မှာ လက်နက်နဲ့ အာဏာရှိတယ်" ဟု ပြောရာ အကိုကြီး တစ်ယောက်တည်း ဂျပန်ဆေးရုံ အနောက်ဖက် ရေခဲတိုက်ထဲသို့ ဝင်လိုက်သွားသည်။ အဖြစ်အပျက် အားလုံးကို ဗီဒီယို ရိုက်နေကြောင်း၊ အနားတွင် ပြည်ထဲရေး ဒုဝန်ကြီး ဦးခင်မောင်ဝင်းလည်း ရှိနေကြောင်း ပြောပါသည်။ အကိုကြီးကို ရေခဲတိုက်ထဲသို့ ခေါ်ဆောင်သွားသည်။ အခန်းထဲတွင် အရပ်ပုပု အသက်ကြီးကြီး ဆရာဝန်ကြီး ရှိနေကြောင်း၊ အလောင်းကို မန္တလေးရှပ်အဖြူ လက်ရှည်နှင့် ပုဆိုးကို ကျပ်နေအောင် စည်းထားကြောင်း ပြောပါသည်။

အလောင်းကို ကြည့်ရှုခွင့်တောင်းပြီး ကြယ်သီးဖြုတ်၊ ပုဆိုးလှန်ကြည့်ရာ မေးအောက်မှ ရင်ဘတ်တလျောက် ချုပ်ထားသည်ကို တွေ့ရသည်။

ညာဖက်နံပါး၌ ကန့်လန့်ဖြတ် ချုပ်ရိုးတကြောင်းရှိ၊ သေနတ်ဒဏ်ရာရှိသော ရင်ဘတ်နေရာ၌မူ အသားများကို လိပ်ယူချုပ်ထားပြီး၊ ဆီးစပ်တွင် ဒဏ်ရာတွေ့ရပြီး ညာဖက်ပေါင် ဒူးဆစ်အထက် သေနတ်ဒဏ်ရာကိုလည်း ချုပ်ရိုးဖြင့် လိပ်ချုပ်ဖုံးကွယ်ထားသည်။

ကျည်ဆံ နှစ်တောင့်ကို ဆရာဝန်ကြီးက ပြကြောင်း၊ ခဏသာ ကြည့်ခွင့်ရ၍ အပြင်သို့ ဆွဲထုတ်သွားကြောင်း ကြေကွဲဖွယ် သိရှိရပါသည်။ အပြင်ဘက်၌ ဆိုင်ရာ၏ အစီအစဉ်ဖြင့် ပင့်ဆောင်ထားသော ဘုန်းကြီးငါးပါးနှင့် အကိုကြီးတို့ကသာ ကွယ်လွန်သူအတွက် သရဏဂုံကို အကျဉ်းရုံး ဆောင်ရွက်ခဲ့ရသည်။

ပိုက်ဆံ မထည့်ရသေး၍ တောင်းပြီး ထည့်လိုက်ရကြောင်း၊ ရေအိုးမခွဲရ၊ စားမြိန်ထုတ် မထည့်လိုက်ရကြောင်း၊ မြန်မာ့ရိုးရာ ထုံးတမ်းစဉ်လာများ အတိုင်း ဆောင်ရွက်ခွင့် မရခဲ့ကြောင်း၊ ရင်နင့်ဖွယ် ကြားရပါသည်။

ဆိုင်ရာက ထုတ်ပေးသော အမိန့်တမ်းတွင် ဆူးချွန်နှစ်ချက်ဖြင့် ကွယ်လွန်ကြောင်း ရေးသားထားသည်။

ကျောင်းသားများနှင့် အတူ ကြံတောသင်္ချိုင်း၌ အရိုးအိုးဖြင့် စနစ်တကျ သင်္ဂြိုလ်လိုသော်လည်း ဆိုင်ရာမှ အတင်းအကြပ် စီမံမှုဖြင့် တာမွေသင်္ချိုင်း၌ ဖုန်းမော်၏ ရုပ်ကလာပ်ကို မီးသင်္ဂြိုလ် ဖျောက်ဖျက်ပစ်လိုက်သည်။ အရိုးကောက်ခွင့်ပင် မရခဲ့ပေ။

မနက် ၈း၄၅ နာရီတွင် မီးသင်္ဂြိုလ် ပြီးစီးခဲ့သည်။ သင်္ချိုင်းတစ်ခုလုံး ရှင်းလင်းနေပြီး အတော်ဝေးဝေးမှ ရပ်ကွက်ရှိ ကလေး၊ လူကြီးများက တခါမျှ မကြုံစဖူး မနက်ခင်း အသုဘကို အံ့ဩထိတ်လန့်စွာဖြင့် ကြည့်နေကြသည်ဟု သိရသည်။

အိမ်သို့ ပြန်အပို့တွင်လည်း အိမ်တိုင်ရာရောက် မပို့ပဲ လမ်းထိပ်၌ပင် ရိုင်းပြစွာ ဆက်ဆံ၍ ချထားခဲ့သည်။

လှည်းတန်း ကြံတောတို့၌ အသုဘပို့ရန် ကျောင်းသားမြောက်များစွာ စောင့်ဆိုင်းနေခဲ့ကြသည်ကို သိ၍ ကြီးကျယ်စွာ အသုဘချခြင်းကို လွှဲရှောင်လိုသော ဆန္ဒဖြင့် အစိုးရက လှည့်စားဆောင်ရွက်ခြင်း ဖြစ်သည်ဟု ပြောသည်။

၁၉ ရက်နေ့ ရက်လည်ဆွမ်းကျွေး၌ ကျောင်းသား အရပ်သားများ လာရောက်နိုင်ခြင်း မရှိကြပေ။ ထောက်လှမ်းရေးက ဓာတ်ပုံရိုက် ဖမ်းဆီးနေသည်ဟု သတင်းလွှင့်ပြီး သွယ်ဝိုက်သောနည်းဖြင့် ချိမ်းခြောက်တားဆီးခဲ့သည်။ အစိုးရကလည်း ဖုန်းမော်အား ဆိုးသွမ်းလူငယ်၊ နိုင်ငံကို ပုန်ကန်သူ တောတွင်း အဆက်အသွယ်ရှိသူ အဖြစ် သတင်းလွှင့်ခဲ့သည်။

မြန်မာ့အသံနှင့် သတင်းစာများကလည်း ရပ်ကွက်နှင့် ရန်ဖြစ်၍ သေဆုံးသည်ဟု သတင်းလွှင့်ခဲ့သည်။ အဖြစ်မှန်ကို ဖုံးကွယ်သည့်အပြင် သေဆုံးသူ၏ မိသားစုကိုလည်း ရာဇဝတ်မှု ကျူးလွန်သူများ သဖွယ် ချုပ်ချယ်ခြိမ်းချောက် ဖိနှိပ်၍ လူမဆန်စွာ ဆက်ဆံခဲ့သည်။

ဆက်လက်၍ မမာမာဝင်းကို ကိုဖုန်းမော်၏ ညီမနှင့် ပတ်သက်၍ မေးမြန်းရာ ကိုဖုန်းမော်၏ ညီမသည် အကိုအတွက် မခံမရပ်နိုင်ဖြစ်ပြီး တရားဟော လှုံ့ဆော်သဖြင့် ဖမ်းဆီးထောင်ချ အသတ်ခံရသည်ဟု လုပ်ကြံဇာတ်လမ်း ဖန်တီးပြီး ကျောင်းသားများ ဆန္ဒပြမှုများ မဖြစ်ပေါ်စေရန် သတင်းလွှင့်ခဲ့ခြင်း ဖြစ်ကြောင်း ရှင်းလင်းပြခဲ့သည်။

ကိုဖုန်းမော်၏ ဘဝခရီးကို မေးမြန်းကြည့်ရာ မမာမာဝင်းနှင့်အတူ ကြက်ခြေနီအဖွဲ့မှ ရဲဘော်ရင်းများ ဖြစ်ကြသော ကိုခင်မောင်ထွန်းနှင့် မဝင်းဝင်းမြင့်နှင့် ကိုမင်းထွဋ်တို့က ဝိုင်းဝန်းဖြေဆိုခဲ့သည်များကို အကျဉ်းချုပ် တင်ပြပါသည်။

ကိုဖုန်းမော်သည် ၅ တန်းမှ ၁၀ တန်းအထိ လသာ (၁) တွင် ပညာသင်ကြား၍ ၉ တန်းတွင် လူငယ်လေကြောင်း သင်တန်း လသာမြို့နယ် လမ်းစဉ်လူငယ်သင်တန်းလည်း တက်ခဲ့သည်။ ၁၉၈၁ တွင် ၁၀ တန်းအောင်၍  RC 2 တွင်တက်ပြီး ကြက်ခြေနီအဖွဲ့တွင် ဝင်ရောက်လှုပ်ရှားခဲ့သည်။ RIT ရောက်သည့်တိုင် RC 2 မှ ကြက်ခြေနီအဖွဲ့နှင့် လှုပ်ရှားခဲ့သဖြင့် ဆရာများ၏ အားကိုးမှု ချီးကျူးမှုကို ခံခဲ့ရသူ ဖြစ်သည်။ အရံပါတီဝင် တစ်ယောက်ဖြစ်ပြီး၊ ကြက်ခြေနီအဖွဲ့၊ တက္ကသိုလ်အရံတပ်ရင်း၊ ဗုဒ္ဓဘာသာအသင်းများ၏ အောင်လက်မှတ်များ၊ မှတ်တမ်းများ၊ ဂုဏ်ပြုလက်မှတ်များ ရရောစှိးထားသည်။ ၈၂ (အောက်တိုဘာ) ရန်ကုန်-မန္တလေး ကားလမ်း လှည်းကူး လုပ်အားပေးစခန်း၊ ၁၉၈၃ (အောက်တိုဘာ) စပါး(၁) ရွှေလောင်းကျွန်း လုပ်အားပေး (ဝါးခယ်မ) တွင် ပါဝင် လုပ်အားပေးခဲ့သည်။ နောက်ဆုံး ပြည်ထောင်စုနေ့၌ပင် ကြက်ခြေနီ တပ်ဖွဲ့ခေါင်းဆောင် အဖြစ် ပါဝင်တက်ရောက်ခဲ့သည်။ ငါးကြိမ်မြောက် သွေးလှူရှင် ဖြစ်ပြီး၊ ယခုလက်ရှိ ဓာတုအင်ဂျင်နီယာ ဘာသာရပ်အသင်း အတွင်းရေးမှူးအဖြစ် တာဝန်ထမ်းဆောင် နေသူဖြစ်သည်။

ဆက်လက်၍ မမာမာဝင်းက ကိုဖုန်းမော်၏ အနာဂတ် ရည်ရွယ်ချက် ကြီးမားပုံကို ပြောပြပါသည်။

နိုင်ငံချစ်မြတ်နိုးပြီး နိုင်ငံအကျိုး နိုင်ငံ ကြီးပွားတိုးတက် စေလိုတဲ့ ဆန္ဒရှိတယ်၊ ပါတီ မဝင်ရင် အခွင့်အရေး မရဘူး၊ ပါတီဝင်မှ ကျောင်းပြီးရင် အလုပ်တန်းရမယ်၊ ကျောင်းပြီးပြီးချင်း အလုပ်လုပ်မယ် ပြောသူဖြစ်ကြောင်း၊ အမများက စီးပွားရေး လုပ်စေချင်တဲ့ကြားက စစ်ဗိုလ်အင်ဂျင်နီယာ တစ်ဦး ဖြစ်ရန် ရည်ရွယ်သူ ဖြစ်ကြောင်း၊ တိုင်းပြည်အကျိုး နိုင်ငံအကျိုးကို တဖက်တလမ်းက သယ်ပိုးဆောင်ရွက်နေသူ ကျောင်းသားလူငယ်တစ်ဦးအား ရက်စက်ယုတ်မာ လူမဆန်စွာ ပြုမှုကို - ဖုံးဖိလိုသော ဆန္ဒဖြင့် ရာဇဝတ်မှု ကျူးလွန်သူ အဖြစ် လိမ်လည် ဝါဒဖြန့်ခဲ့သည်။

မမာမာဝင်း၏ ဆန္ဒကို မေးရာ ကိုဖုန်းမော် သေဆုံးရခြင်းအတွက် ယူကျုံးမရ ဖြစ်ရသည်၊ ဝမ်းနည်းကြေကွဲရသည်။

မည်သို့မျှ နှိုင်းယှဉ်မရ၊ အစားထိုး မရအောင် နှမြောရသည်၊ အစိုးရ မပြုတ်မချင်း လူလာ မဖြစ်ပါစေနဲ့၊ လူဖြစ်ရကျိုး နပ်မှာ မဟုတ်ဘူး ဟူ၍၄င်း၊ အသင်းအဖွဲ့များဟာလဲ အမိန့်ပြန်စာ ထုတ်ပေးစေချင်တယ် ဟူ၍၄င်း ပြောပါသည်။

အစိုးရ မပြုတ်မချင်း လူလာ မဖြစ်ပါစေနဲ့ ...

Credit to Myanmar Cupid Community Forums http://mmcpcommunity.net